Lucas 7:6 - Nuevo Testamento Toba Maskoy

⁶ Ka apmeiekho lhnak Jesús apketlhelhma'ak nak aptaikokhak ma'a metno apketko'ok, apkellanketkeskangkek nak apnemakha capitan ma'a. Apkellangielhaiankek nak na m'a apkeltaiangkolha apketlhelhma'ak capitan, lhna aptaiangkok: —Apveske', mang nak lhe niekhe nkoietok capitan emok takha lheiap ma'a,

Lucas 7:6 Referans Kwoze

Santiago 4:6

Avanhek ankek na hengelpasmoma aniem'o apiamolhma' panke', ka aktemo nak vakkahak Eniapom Neten apaivoma hengke'e: «Apkammelhmakha Eniapom Neten ma'a ammalhko engvalhok anak, koka apkeltakmelkeskaskek apkellangiemhaikama apkellelto nak nalhep'avek apvalho'ok».

Marcos 5:24

Ka apieplekho lhnak Jesús ma'a, apkelieplekhek nak na enenlhet'avok, nnengkek nak akiaqhapeiangko Jesús ma'a.

Lucas 8:49

Nheklhek nak apaqmetkesaikama Jesús ngkelvana m'a, ka apvai'o lhnak apkennengkasekama Jairo, apnemakha lhnak apkempai'ak ma'a, lhnak aptemak apkanemo Jairo: —Jairo, nkaqhok emhangkok hengetlhekmoskama m'a, nketsepkek lhek apketka lheiap —lhna aptemak apkennengkasekama.

Santiago 4:10

¡Etnokha nalhep'avek apvalho'ok napaqtek Apveske, netamen etneskasokhak hata neten apankavek ketlhengkap ma'a!

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Lucas 5:8

Lhna songkek apvetai'o Pedro m'a, apkeltanentamo lhnak aptapno'ok napaqtek Jesús ma'a, lhna aptemak: —¡Apveske, molatsekama ko'o, mangheipetkangva! —lhna aptemak.

Lucas 7:4

Apkelvekho lhnak apnakha Jesús ma'a, apkellapioseiangka lhnak apkelpaqmetkeskaiakmo m'a, lhna aptaiangkok: —Epasengvakha lhnak lhek lheiap capitan romano. Nietavek epasmok lheiap ma'a ngkanek

Lucas 7:5

hengellasekhai'avek ennengko'o m'a nengelelto nak judios, hengellaneskeskangkek na nengaqnekhelha ennengko'o m'a —lhna aptaiangkok.

Lucas 7:7

mang nak lhek na nkoietok evak hengke'e napaqtek lheiap. Vanlha lhnak lhoka ntasek etnek mok apaivoma lheiap kakpota etaqmelekha apkennengkasekama m'a.