Lucas 7:41 - Nuevo Testamento Toba Maskoy

⁴¹ Lhnak aptemak Jesús apkanemo m'a lhema apietkeskama: Apkakhaiangkek nak apkanet enenlhet apkeliaqmoiangko lhnak patakkom enenlhet nenmopvana angeliaqmong aniapom. Lhema lhnak 500 patakkom denario apkeliaqmomak ma'a, po'ok nak na 50 patakkom denario m'a.

Lucas 7:41 Referans Kwoze

Lucas 7:47

Nietnengke songke akiavai'a asekhai'o ngkelvana nak ngkanek nnek aktemeskesangka nkek akiavai'a ngkolatsekama alanai'a. Koka enenlhet la nnek na aktemeskesangka nkek ketsek apkelanai'a la ngkolatsekama, ketsek na songkek apkasekhai'o m'a —lhna aptemak Jesús.

Romanos 5:20

Ka aktemakha lhnak nanek akvai'o ley Moises ma'a atlhenkeskekho apvalho'ok enenlhet meleliehekho apkellaskamakha Eniapom Neten, niaveiangkek nak nanoka meleliehekho m'a, koka neten ankek nak nanek na ntemak akiavekamok aktaqmanma apkellanei'o Eniapom Neten.

Romanos 3:23

Nenlhamakho nhan nellanekamok ngkollatsekama, taiepe kanke lhta nhan ennengko'o Eniapom Neten apto aknema apmopvana apanke'.

Lucas 11:4

etneskesama ta apankek ma'a mangeleliehekho nak hengellaskamakha lheiap, ka akto nak ennengko'o nelteskesaikama engankavek hennaqtevaskama emmo'ok, hengellaso ta nhan neksa akvai'a la hengeliepkonma —lhna aptemak ma'a.

Lucas 13:4

Kotlheianvakho no apvalho'ok ketlhengkap apkeletsepmo lhnak nanek 18 enenlhet ko Jerusalen, allapekho lhnak pa'at akiavai'a metaimong alanemmalhka' akieto natemma Siloe. Nketlheianmek apvalho'ok ketlhengkap ma'a apkellelto neten apankavek meliamolhma' apieseksek apkennemolhema m'a.

Lucas 12:48

Koka nema annengkasekama la'a meiho la apekkenkasekha apaivoma apveske apankok, aptemengvakho la lhma, aselhtek hata ngkotnek nema aliaqpelhketaikama apiempek ma'a. Nkeskama la qaselha aplhevai'a enenlhet, nkaksek hata nhan nema akiatekamok apkeltammap elanak lhamakho qaselha m'a kanhan nema akmahai'a ngkolhek akpeivesakho apkellanai'a lhamakho —lhna aptemak Jesús.

Marcos 6:37

—Mma', ellamok aptekamok ketlhengkap —lhna aptemak Jesús ma'a. —Have', mangapvankek angenmangkok pan, apentelhek enenlhet anak, ngkeskama patakkom nkaimelhka, malha 200 denario la'a —lhna aptaiangkok apkeltamesaikamok ma'a.

Lucas 7:40

Koka lhna aptemak Jesús: —Simon, eniailho no asmak'o nak altennasama asietkeskama lheiap —lhna aptemak. —Hai' hengetlhekmoskama, angvailho ta —lhnak aptemak Simon.