Lucas 6:8 - Nuevo Testamento Toba Maskoy

⁸ Apiamavek noka Jesús ma'a, lhna aptemak apkanemo enenlhet akiaqsekha apmek: —Etnemekha no neten, etnengvom no apieseksek enenlhet anak —lhna aptemak. Ka apkenmekho lhnak neten ma'a, apkenengvekho lhnak apieseksek enenlhet.

Lucas 6:8 Referans Kwoze

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.

1 Pedro 4:1

Aplengaiangke lhta nhan Cristo neksa apkaniemhaikama hengke'e nalhepop anak, ntasek na enmankok takha ketlhengkap ma'a akvo'o la apkellengaiangko akientalhnema. Enenlhet apto la apmopvana evaskapok neksa akvai'a la akientalhnema, apmopvana nhan etneskasentak koneng ngkollatsekama nak

Hebreos 4:13

Lhamakho qaselha apkelentepkeskama lhta Eniapom Neten mankollavankek nkolielhanenkesek napaqtek ma'a, apvankek etak lhamakho qaselha iokhalhmek ankek, angetlhene mota angelleltennaksek na nentaiangkolha napaqtek ma'a.

Filipenses 1:28

¡Mellaga nkek alammelhaikama nak! Nkotlhenek hata av'alho'ok nkonaqtevasalhkak ma'a, nkotlhenek hata nhan av'alho'ok elvongkesek hata tep Eniapom Neten ketlhengkap ma'a.

Hechos 26:26

Apiavek na apiav'akha apveske nak Agripa aktemakha na mota ania'a alheianma, apkeliavek na aplhamakho enenlhet'avok ka ngkanek alheno nak metka aktaikama evalhok napaqtek Agripa.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Juan 21:17

Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.

Juan 9:4

Neksa aktema mokhom aknem, ntasek angellanangkok apkeltemo lhta apto heiapaskama, lheme ta nkovak hata aptema pelhasep, koka mongapvankek angellanak qaselha m'a.

Lucas 5:22

Apiamavek nak Jesús aktangkolha alietnaikama apaqto'ok ma'a, lhna aptemak: —¿Se lha ntak alietnangka nak apaqto'ok ketlhengkap ke, he?

Lucas 6:9

Ka apkellanei'o lhnak na Jesús enenlhet'avok ma'a, lhna aptemak: —¿Ngkeltemengke nlho ley Moises angellanak qaselha altaqmelo aknem sabado nennekhelha, nlho ka la qaselha ngkolatsekama, he? ¿Ngkeltemengke nlho nhan ley Moises angvongkesek tep, nlho ka la antevaksek ma'a, he? —lhna aptemak.

Marcos 3:3

Lhna aptemak Jesús apkanemo enenlhet akiaqsekha apmek: —¡Etnemekha neten, etnengvatamo halep, aiseksek anak! —lhna aptemak.

Lucas 13:12

Apvetai'ak nak Jesús ma'a, ka apkaveiangka lhnak, lhna aptemak apkanemo: —Ataqmelkasekha ta lheia' —lhna aptemak.