Lucas 6:37 - Nuevo Testamento Toba Maskoy

³⁷ Lhna aptemak mokhom Jesús apketlhekmoskama: —Meliekpelko nkek aptemakha la po'ok, kakpota nhan mangkolhek hata aliekpelko aptaiangkolha ketlhengkap. Metlhen na apselhnanemmap po'ok kakpota nhan mangkolhek atlheno apketselhnanemmap ketlhengkap. Eltemeskesama ta apankavek ketlhengkap apnaqtevasko la po'ok, kakpota nha ngkolhek aktemeskesangkankek ngkollatsekama apkellanekamok ketlhengkap.

Lucas 6:37 Referans Kwoze

Efesios 4:32

Ellanamok koka altaqmelo qaselha, elietnaho napaqta'a po'ok, eltemeskesama ta nhan apankavek aptevasko la po'ok apieseksek anak ketlhengkap, ka aptemakha lhta Eniapom Neten aptemeskesaiangka lhta apankek meliamolhma lhta ketlhengkap aniem'o apkelpasmekha Cristo.

Santiago 5:9

Ketlhengkap elialheng'a, melentepkasama nkek apkelvesai'a po'ok la'a ngkanek ketse nkaimelhkak apvektanlha ta hengiekpelkemo niapom, hata eliekpelkok apkeltemakha ketlhengkap ma'a.

Marcos 11:25

Neksa apkelelmalhnongkoma, eltemeskesama ta apankavek apnaqtevaskai'a la po'ok. Netamen Apkeliapom anak ketlhengkap apno nak ma'a neten, etneskesama ta nhan apankek ma'a apkellanekamok ngkollatsekama ketlhengkap.

Colosenses 3:13

Meltaqneva' pankek apieseksek anak ketlhengkap, eltemeskesama ta nhan apankavek apnaqtevasekpo la ketlhengkap, ka kto nak Apveske aptaiangka na apankek meliamolhma ketlhengkap.

Lucas 6:36

Elietnaho ta nhan napaqta'a m'a po'ok la'a, ngkanek Apiapma'ak anak ketlhengkap apkelietnavek na napaqta'a m'a aplhamakho enenlhet.

Lucas 23:16

vanlha ta aliaqpelhketama apiempehek kakpota apaqnemekha —lhna aptema Pilato apkellanemo enenlhet'avok.

Hechos 3:13

Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

Santiago 2:13

Enenlhet la meietnai'o napa'at po'ok, mangkolhek hata nhan akietno napa'at ma'a, koka apietno la napa'at po'ok, eiephongvomhok hata nhan ma'a akvo'o la aknem nema akiekpelkemelha apkeltemakha enenlhet.