Lucas 6:20 - Nuevo Testamento Toba Maskoy

²⁰ Apkellanei'avek nak Jesús apkeltamesaikamok, lhna aptemak apkellanemo: —Aktaqmelakho nkek ketlhengkap metka Qaselha apanko'ok, ngkanek apanko'ok ma'a aptemakha nak apveske Eniapom Neten.

Lucas 6:20 Referans Kwoze

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

2 Corintios 8:9

Apkeliavek na ketlhengkap aptemakha lhta Cristo, malha aknema apketsekama lhta m'a, koka aptemongvai'ak hengke'e metka apketsekama aniem'o apkellamelaiam ketlhengkap, kakpota eltemeskeskak na ketlhengkap malha nema apkelletsekama la'a.

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.

2 Corintios 6:10

Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

2 Tesalonicenses 1:5

Ka ngkanek Eniapom Neten apkeliekpelkek akietemo nkek ketlhengkap aniem'o apkelvetai'a apkellengaiangko akientalhnema aniem'o nhan aptemakha nak Apveske Eniapom Neten, nietavek na elentelhek ketlhengkap ma'a.

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

2 Corintios 8:2

Avanhe lhta apkellengaiangko niekhe m'a, koka nkakhemave lhtoka m'a nheklhe lhta alpaihekha apvalho'ok ma'a, niekhe aptaikamok metka qaselha apanko'ok, apkellankesaikokhek koka patakkom metka apkenmeiavkesammakpo apkellapaskeskamo Jesucristo apkennemolhema m'a.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Lucas 14:15

Aplengai'ak nak na lhema enenlhet ma'a aktemakha apkeltennaikama Jesús, lhnak aptemak: —Aktaqmelakho nkek enenlhet apkellelto ta apkelpasengvaiam aktaqmelaikama lhma' akieto nak ma'a aptemakha nak apveske Eniapom Neten —lhna aptemak.

Lucas 13:28

Netamen eliapqalhek hata m'a, elelpelhiennemok hata nhan apkelvetangvakmo ta m'a apkelieihengka'a apankavek ketlhengkap Abraham, Isaak, Jacob, kakpota nhan aplhamakho apkeleltennasemmap ania'a nnenga, koka menmakpeta takha ketlhengkap ma'a akieto aptemakha nak apveske Eniapom Neten.

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

Lucas 16:25

Koka lhna aptema Abraham apkatemmoiangka: "Etaven, kolheianvakho no apvalhok ntase lhta apnemo lheiap nalhepop, Lazaro lhtoka mangkolatsekama apnemo m'a. Kolhva koka avanhe akpaihekha apvalhok hengke'e, mangkolhnok lheiap, avanhek aplengaiangko akientalhnema ham.