Lucas 4:41 - Nuevo Testamento Toba Maskoy

⁴¹ Nkelpaihekama lhnak atno'ok kasekapok av'alho'ok allenteiapmo apvalho'ok moklhem'a enenlhet'avok ma'a, lhna ntaiangkok: —¡Eniapom Neten Apketka lheiap! —lhna antaiangkok ma'a. Ka apkeliamenaiangka lhnak Jesús kasekapok av'alho'ok, mang nak na eltemok nkolpaiesama apvesai'a m'a nkanek nkeliavek na songkek apto Cristo.

Lucas 4:41 Referans Kwoze

Marcos 1:34

Apkeltaqmelkeskaiakmek nak Jesús aklhamakho aktemakha anmaska apiempeiok enenlhet'avok ma'a. Aplhaniek nak na apkelentepkaskesaikamok kasekapok av'alho'ok ma'a. Mang nak na eltemok nkotlhenek apvesai'a m'a ngkanek nkeliekpelkemavek na songkek ma'a.

Santiago 2:19

Ntasek meliaskame vanlha lhema aphapak Eniapom Neten kanhan apto Apveske, koka kasekapok av'alho'ok mangkoliaskakmok na m'a, nkolpelhiennemok na allai'a m'a.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Marcos 3:11

Neksa alvetai'a lhnak kasekapok av'alho'ok alpaiseiam Jesús ma'a, alentankesentamo lhnak nalhepop enenlhet'avok napaqtek ma'a. Ngkelpaihekama lhnak na atno'ok ma'a, lhna antaiangkok: —Eniapom Neten Apketka lheiap —lhna ntaiangkok ma'a.

Marcos 1:25

Koka lhna aptemak Jesús apkelpalhengkaseiangka m'a: —¡Kovanma', kopaqnemekha enenlhet anak! —lhna aptemak Jesús ma'a.

Marcos 1:32

Apkelienaktesekama lhna lhma m'a, aplaqlentamo lhnak anmaska apiempeiok kakpota nhan enenlhet anmaikama kasekapok av'alho'ok apnakha Jesús.

Lucas 4:39

Ka aphalhentamo lhnak Jesús takhalhet ma'a, apiamenaiangka lhnak akmelhanma eniempek. Kolhvave ankek nak ntaqmelekhak ma'a. Ka anmekho lhnak neten, allanei'o nhan ma'a.