Lucas 4:25 - Nuevo Testamento Toba Maskoy

²⁵ Koka kotlheianvakho no apvalho'ok lhennenga taiep aploma lhnak nanek Elias annenga. Mang nak nanek nkonmai'ak ma'a tres iantelhkapa kakpota nhan 6 pelten, mek nak nanek nkennapmak enenlhet'avok ma'a Israel, man nak nanek na ntek lhentampak'a m'a.

Lucas 4:25 Referans Kwoze

Santiago 5:17

Ka aktemo lhnak nanek na Elias annenga m'a, nennemo nhan ennengko'o enenlhet apanke, apteniai'o nhan apiempek neksa apkenmalhnonkoma apkenmalhneiangka Eniapom Neten meltemo mankonmakiek akvaiakmo nalhet hanetolhema iantelhkapa, ntemengkek nak nanek na m'a.

Lucas 10:21

Avanhek ankek nak akpaihekha apvalhok Jesús ma'a aniem'o Espíritu Santo, ka apkenmalhnongkomo lhnak ma'a, lhna aptemak: —Eniapom apto Apveske neten kanhan nalhepop, avanhek ankek asiavenkeskamo apvesai'a lheiap ngkanek nlekavek apvalhok eliekiaqsek enenlhet apkellomakha nak apankavek kakpota eliangveskeskamho' aktemakha asketlhekmoskama aplhenammap lheiap, man koka eliekieskamak enenlhet apkellelto neten apankavek apkeliaspommap —lhna aptemak Jesús apkenmalhnongkomo Eniapom Neten.

Efesios 1:11

Hengeliekieskamo lhnak nanek na Eniapom Neten kakpota hengellangkok hata qaselha apmahai'akha la hengellangkok ma'a, aptemengke ma'a akietnaikama apaqtek nak nanek etnehek, aptemengke mota m'a apmahai'akha la etnek.

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

Romanos 9:20

¡Mankoieto nkotnangkok atlheianma apvalho'ok ketlhengkap ma'a! Ngkanek Eniapom Neten apvankek elana apmak'akha la elana, hengellan'a lhta nhan ennengko'o, mongapvankek na annaveskamok ma'a. Malha akto nak ietangvalhva nak apkelanai'a, mankapvankek enavaksek apto apkellanai'a, apvanke elanak lhema ietangvalhva neten aptaqmanma aplhenammap, po'ok na metka aplhenammap aptaqmanma, koka lhema apiaqhapeskama nialpa apkelleniemai'a m'a.

Romanos 9:15

ngkanek lhnak nanek aptemak apkanemo Eniapom Neten Moises: «Apiosek alanhok enenlhet asmak'akha la aliekieksek, asietnai'o nhan napa'at enenlhet asmak'akha la aliekieksek», lhna aptemak.

Apocalipsis 11:6

Apvanka'ak na malha apkellapekha neten kakpota mankomamakie neksa apketlheianma ania'a aktemakha akmak'akha ta ngkotnek emanie, apvanka'ak na eltemeskasekhak ema iemmen akiav'akha alvata. Kakpota nhan apvanka'ak apkenmak'akha la ellapaksek lhamakho aktemakha qaselha akmovana hentevaksek takhaplhet'ok enenlhet'avok lhmankek ham.