Lucas 23:20 - Nuevo Testamento Toba Maskoy

²⁰ Koka Pilato apkelienlhaneiakmek na niekhe enenlhet'avok apkeltemo epaqnemekha niekhe Jesús.

Lucas 23:20 Referans Kwoze

Marcos 15:15

Ka apaqnemekho lhnak Pilato Barrabas, apkeltemo lhnoka ngkolhek aliakpelhketangka kaselha aiempek nema alanai'a Jesús ma'a, kakpota nhan ngkolhek aliaqlho apmeiok, apmankok neten iamet aktenneskama. Koka apkeltemavek nak ellamelekhok Pilato napaqtavek enenlhet'avok ma'a.

Juan 19:12

Netamen apkeliaikama lhna lhta Pilato kakpota epaqnemekhak Jesús ma'a, koka niangvakmek alhta apkeliaskama apatno'ok enenlhet'avok ma'a, lhta aptangkok: —Ka apaknemakho la lheiap ham, eniammelhekhak kelhaha apiav'akha apveske Roma, ngkanek Jesús elekkasekhak hata aptema apiav'akha apveske m'a kakpota eniammelhekhak ma'a —lhta aptangkok.

Lucas 23:19

Barrabas noka apto meihamolhma, apnengkek nak nengaqlhengkasemmalhkelha ngkanek apkelammelhma mota apkelveskai'e kanhan akietnema apiemongke lhma lhnak na m'a.

Lucas 23:21

Koka niaveiangkek nak na alpaihekama apatno'ok enenlhet'avok ma'a, lhna aptaiangkok: —¡Eliaqlha ta apmeiok apmankok neten iamet aktenneskama, eliaqlha ta! —lhna aptaiangkok ma'a.