Lucas 21:23 - Nuevo Testamento Toba Maskoy

²³ Aiosak'ak hata nkotnangkok ngkelvana la nlosave' kakpota nhan nlaklava'ak. Avanhek hata apkellengaiangko enenlhet'avok ma'a, nema akiaqmongkasekha akiavai'a apkeltemakha meliamolhma enenlhet'avok ma'a.

Lucas 21:23 Referans Kwoze

Lucas 23:29

ngkanek nkovak hata akiavai'a akientalhnema, hata etnangkok enenlhet: "Aktaqmelakho niekhe ngkelvana'ak mankotnema na nlose, kakpota nhan metka nak atkak aktengkeskama aknemakha", hata etnangkok enenlhet ma'a.

Marcos 13:17

¡Ketlhengka ta laie ngkelvana nlosave', aiosak'ak hata nhan ngkelvana'ak apiama la mokhom neme nko'ok atkak!

1 Pedro 4:17

Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.

Santiago 5:1

¡Ellailhonoho ketlhengkap nkeskama nak apkelletsekama, eliapqalhek hata, elleklhangvama ta nhan ngkanek nkovak hata akientalhnema taphaplhet'ok ketlhengkap!

1 Tesalonicenses 2:16

Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.

Hebreos 13:16

Melvatesamo nkek na apkellanekamo mota qaselha altaqmelo, apkelpasmoma nhan po'ok, ngkanek qaselha nak ma'a akleklemelha apvalhok Eniapom Neten, malha nengaqhema la nentoskama nengaikamok anak ma'a.

Lucas 19:43

Nkovak hata akientalhnema takhalhet lheia', elvak hata alammelhmakha, ellanangkok hata apkelkanantaikamok ankok lhamakho nekhav'ak akhalhtemommalhka nak lheia'.

Lucas 19:27

¡Enmeiakha m'a, eliantengvakha nhan enenlhet'avok apkellelto lhkek askellammelhmakha, meleltemo lhkek atnek apveske! ¡Eliaqtemen hata apiaspo'ok nehaqtek ko'o!" lhna aptemak apveske apkellanemo.

1 Corintios 7:26

Malha nak ntasek nkolloka nkek metka akteniaikamok anakteiangka'ak ngkelvana'ak, ngkanek nientelhe mota nenganiemhaikama nenvanlha nak.