Lucas 2:46 - Nuevo Testamento Toba Maskoy

⁴⁶ Hanetolhem'a aknem nak ngvaiakmok alvetangvekho lhnak akieto Eniapom Neten apnemakha m'a, apnaiakmo lhnak apieseksek hengetlhekmoskama henganemakha Moises. Aptaqmelkeskamavek nak apkailhekamok nema atlhekmoskama m'a, ka apkelelmalhnekho lhnak mokhom apmahai'a eihok mo'ok qaselha.

Lucas 2:46 Referans Kwoze

Lucas 5:17

Apnengkek nak Jesús lhema pa'at apketlhekmoskamo lhnak ma'a, apkakhaiangkek nak na moklhem'a fariseos, kakpota nhan hengetlhekmoskama ley ma'a, apkeleltemo lhnak ellailhangkok aktemakha apketlhekmoskama Jesús. Apkeleniemai'ak nak apiav'akha temma Galilea, Judea, kakpota nhan Jerusalen. Ka apkeltaqmelkeskaiakmo lhnak Jesús anmaska apiempeiok aniem'o apmopvana Apveske.

Hechos 5:34

Koka apkenmekho lhnak neten lhema fariseo m'a apvesai'a Gamaliel akieto konne apkaqnekhelha mota apkelientalhnakha apkelveskaie. Apto lhnak na hengetlhekmoskama ley Moises ma'a, avanhek ankek nak na apkelleliehekho enenlhet'avok ma'a, apkeltemo lhnak ngkolhek alentepkaso sekhe konne iaqvatakho nema alapaskamo.

Lucas 2:47

Nkeliemaskangkek nak apvalho'ok enenlhet aktaqmanma apqatek, kakpota nhan apmopvana eniatemmoma nema anmalhnekama ania'a la'a.

Juan 3:10

Ka apkatemmoiangka lhnak mokhom Jesús ma'a: —¿Ma nlho eihok lheiap, he? Tokha la niekhe hengetlhekmoskama apanko'ok Israel.

1 Timoteo 1:7

apketlhenammakpek apankavek hengetlhekmoskama ley anak Moises, koka m'a eliangveiakmok aktemakha apketlheianma, apketlhekmosekamok nahan.