Lucas 2:11 - Nuevo Testamento Toba Maskoy

¹¹ Apteiakmek lhek apto apkelvongkeskama ta tep enenlhet'avok akieto apkavakha David, Cristo apto Apveske.

Lucas 2:11 Referans Kwoze

Hechos 2:36

Ellailhono enenlhet ko Israel, have niapak anke ketlhengkap apkeliaqlhaiangke lhta apmeiok apmankok neten iamet aktenneskama Jesús alhta, Eniapom Neten alhto ka aptemeskasak Apveske kanhan Cristo —lhna aptemak Pedro apkellanemo enenlhet'avok ma'a.

Lucas 1:43

Have ko'o asto neten ankek asiaspommalhka hetno nak amaika'a lheia', lheia ta etnek ngken Apveske ehenkok.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.

Filipenses 2:11

etlhenek hata apankavek Jesucristo apto apveske, netamen eltakneskasangkok hata nhan Eniapom Neten apvesai'a aniem'o akietnema akiavai'a apmopvana.

Juan 4:42

Netamen alhta aptangkok apkellano ngkelvana lhta m'a: —Man lhek angeliaskakmok Jesús aktakha lhkek aklheianma lheia, koka kolhvave nak mangeliaskakmok ngkanek nelleng'ak aptakha apaivoma, kolhva neliavek apto hengvongkeskama tep ma'a aplhamakho enenlhet'avok lhmankek ham —lhta aptangkok enenlhet'avok.

Lucas 2:4

Ka apteiapmo lhnak na José na temma Nazaret akieto iokhalhma Galilea, apmeiekho lhnak na temma Belen akieto iokhalhma Judea. Apteiaianlha lhnak na José m'a, kanhan aptema po'ok annenga apveske David.

1 Corintios 15:47

Hai, apmanie lhnak nanek nema alanai'a enenlhet apanke apkeniemai'o m'a nalhepop, netamen na enenlhet apkeniemai'o nhan ma'a neten.

Hechos 10:36

Apkapaske lhta Jesucristo apto Apveske alhma nkek ham kakpota epaiaksek ania'a hengaikamok altaqmelaikama engvalho'ok apieseksek Israel.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

Juan 1:45

Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Hechos 17:3

Apkelelpeiveskasekho nhan enenlhet'avok aktemakha aklheianma vakkahak Eniapom Neten Apaivoma aktemakha nhan apketsepma Cristo, aplhatekhangveiakmo nhan. Lhnak aptemak na Pablo: —Ka enenlhet na lhta Cristo, Jesús alhta m'a —lhna aptemak.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Juan 6:69

Mangeliaskeiakmok na ennengko'o lheiap, neliavek na apto apokkanma Eniapom Neten lheiap —lhta aptak Pedro.

Juan 1:41

Apkelientemongkasave lhta apmeiekha Andres apiantengvakho nhan apialheng Simon, lhta aptak apkano: —¡Nelvet'ak lhek Mesias ha'e, mo'ok nema altema koka Cristo! —lhta aptak.

Colosenses 2:6

Apkenmaiangke lhta takha ketlhengkap kakpota etnangkok apveske apanko'ok Jesucristo, ntasek na eltaqmelkasakpoho apkellanemakha nak etnangkok ma'a.

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

Juan 11:27

Lhta ntak Marta atemmongka: —Hai apveske', moi'askakmok ko'o lheiap apto Cristo Eniapom Neten apketka aplhenammakpo nak evak hata hengke'e —lhta ntak.

Juan 7:41

Koka po'ok enenlhet alhta aptak: —Cristo enenlhet anak ham. Koka po'ok alhta aptak: —Have', menieniemek na lhta m'a Cristo iokhalhma Galilea nak.

Lucas 2:26

Lhna nkeniemai'ak apiangveskeskaiakmo m'a amanie apketsepma' etak hata Cristo apto apkeliekieskama Apveske.

Lucas 1:69

Apkapaskangkek na hengvongkeskama tep aknema apmopvana apanke. Apveske David aptaven neptamen, apto lhnak nanek na apkasennaikama Eniapom Neten ma'a.

Juan 4:25

Koka lhna lhta ntemak mokhom ngkelvana: —Asiavek ko evak hata Mesias, mo'ok nema ltema Cristo, hata hengelpeiveskasekha lhamakho qaselha m'a —lhna lhta ntemak.

Hechos 13:23

Apkeleltennaskangkek nak nanek Eniapom Neten lhema apaivoma, aptaven neptamen David evak hata kakpota elvongkesek tep ko Israel, ka enenlhet nak ma'a Jesús alhta.