Lucas 19:5 - Nuevo Testamento Toba Maskoy

⁵ Apvaiakmo lhnak Jesús ma'a akietelha apiangkakha neten Zaqueo, ka apvetai'o lhnak ma'a, lhna aptemak apkanemo: —Etiep kolhvave nak Zaqueo, askeltavek alhek apnemakha aknem anak —lhna aptemak ma'a.

Lucas 19:5 Referans Kwoze

Apocalipsis 3:20

Asvenema ko akieto atong, heiailho la lhema enenlhet, emaiaksek na atong, aklhek hata m'a antavokhak hata lhemek ma'a.

Juan 14:23

Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Hebreos 13:2

Eltaqmelkaso ta nhan apkenmaikamok takha aptaikamok la amaika'a apkakhaiangkelha. Kotlheianvakho ta mota apvalho'ok moklhem'a lhnak apkenmaiangkok takha ángeles neksa meliamo m'a.

Juan 1:48

Aplengai'ak nak Natanael ma'a, lhna aptemak: —¿Sek la kto heiekpelko nak lheiap ke, he? Ka apkatemmoiangka lhnak Jesús, lhna aptemak: —Asvet'ak lhek apno lheiap apiamposakpo koneng peskeska nkok iamet higuera, amanie apmahai'a lhkek niavama Felipe —lhna aptemak.

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Lucas 19:2

Apnengkek nak ma'a lhema apkemhama apmanie apkenmaikamok patakkom impuesto ankok ko Roma, nema apketsekama lhnak ma'a enenlhet anak, Zaqueo lhnak apvesai'a.

Lucas 19:4

Ka apketkekho lhnak apmanie apmeiekhelha Jesús ma'a, apkanetvaiakmo lhnak lhema iamet kakpota etak ma'a, sicomoro lhnak akvesai'a m'a iamet.

Lucas 19:6

Kolhvavek ankek nak apteiapmak Zaqueo m'a, mpaihekhek ankek nak apvalhok apmamo lhnak na takha Jesús ma'a.