Lucas 19:13 - Nuevo Testamento Toba Maskoy

¹³ Amanie lhnak apmahai'a elhong ma'a, apkankesekho lhnak 10 apkenmakmesaikama, ka apkellaiangko lhnak na moklhem'a 10 patakkom aliaqiema nema altema minas, lhna aptemak apkellanemo: "Enmakmesama ta patakkom anak akvakmo aknem asvaktamo ta mokhom", lhna aptemak apkellanemo m'a.

Lucas 19:13 Referans Kwoze

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

Galatas 1:10

Motenia ko'o allekkasekama la apvalho'ok enenlhet hellanhoho, vanlha koka m'a asteniai'o nkollekkasama apvalhok Eniapom Neten. Ka astenio la ko'o nkollekok apvalho'ok enenlhet hellanei'o, nkomaskok hata asto hennenkasekama Cristo.

Lucas 19:12

Ka apkeltennaseiangka lhnak Jesús lhema apietkeskama, lhna aptemak: —Apnengkek nak ma'a lhema enenlhet apto neten apankek apiaspommap, apmaiangkek nak mo'ok apkellavakha kakpota ngkolhek aktemeskeskakmo apiav'akha apveske m'a, kakpota etaqhok mokhom neptamen ma'a.

Lucas 19:14

Netamen nak ma'a, aplhengamo. Koka apkennemolhema apankavek ma'a apkelapaskamo lhnak apkellennengkasekama kakpota eleltennaskakhak apto neten apankek apveske m'a mo'ok apkellavakha meleltemo etneskasokhak apiav'akha apveske apanko'ok ma'a.