Lucas 13:25 - Nuevo Testamento Toba Maskoy

²⁵ Apto apnemakha apkapakho la atong ma'a, ketlhengkap apkellelto apkelanvai'a akieto atong iokhalhma, hata eltehek hengke'e: "¡Apveske, Apveske hengelmaieskes no atong anak!", hata etnangkok ma'a. "¡Ma', moliekpelka ketlhengkap!", hata etnek apto apnemakha m'a.

Lucas 13:25 Referans Kwoze

Lucas 13:27

Koka hata etnek ellana: "Enmeiakha m'a, melioholhma ketlhengkap, moliekpelkak", hata etnek apto apnemakha m'a.

Lucas 6:46

Lhnak aptemak mokhom Jesús: —Ketlhengkap heleltangko mota, "¡Apveske, Apveske!" Koka aqhemo m'a, mangheleliehekhoho.

Hebreos 12:17

Apkeliavek ketlhengkap netamen nak nanek ma'a avanhek nak apteniai'a Esaú akvakmo apveno apkeltemo eniangkok apiapom ennak neten ankek aktaqmanma apaivoma apkaikamok ma'a. Koka aptakheskamavek nak nanek apiapom ma'a, mamma lhnak nanek na etneskesek ma'a.

2 Corintios 6:2

Ka ktemo nak na aktalhesammalhka vakkahak Eniapom Neten Apaivoma hengke'e: «Nietavek anke lhta asleng'o m'a, aspasmo nhan aknem ankok alhta songkek nenvongkasemmalhka nak tep», ntemak ma'a ¡Koka kolhvave nak nietavek ankek aknem ankok nenvongkasemmalhka nak tep!

Lucas 3:8

¡Eltaqmelkasakpo koka kakpota elvetakpok apkeliaqmongkasekha mo'ok apvalho'ok! ¡Mellakpo koka atlheianma apvalho'ok aptaikamok Abraham aptavana'ak neptamen ketlhengkap! Koka have neten ankek akiaspommalhka m'a. Eniapom Neten apvanke niekhe etneskasekhak Abraham aptavana'ak neptamen metaimong anak apkelto la'a.