Lucas 12:4 - Nuevo Testamento Toba Maskoy

⁴ —Ka stak ko'o askellano ketlhengkap asketlhelhma'ak nengaqte, mellaga nkek enenlhet apkenmopvana nak enaqtevaksek vanlha apkeliokha nak, koka mankollapvankek mokhom etvaksek ma'a.

Lucas 12:4 Referans Kwoze

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Filipenses 1:28

¡Mellaga nkek alammelhaikama nak! Nkotlhenek hata av'alho'ok nkonaqtevasalhkak ma'a, nkotlhenek hata nhan av'alho'ok elvongkesek hata tep Eniapom Neten ketlhengkap ma'a.

1 Pedro 3:14

Aktakmelakho nkek apkelvetai'a nak akientalhnema neksa apkellanekamok akpeivomo. Mellaga nkek enenlhet, mennelhtengankek na neten,

Santiago 2:23

Ngvai'ak aknem ma'a aklheianmo lhnak nanek vakkahak Eniapom Neten apaivoma, lhnak nane ntemak hengke'e: «Mang nak ei'askeiakmok Abraham aptemakha apaivoma Eniapom Neten, ka apkeltaiangko nhan apeivomo m'a». Apkeleltaiangko lhnak nanek enenlhet'avok Abraham apto aptema po'ok nengaqte Eniapom Neten.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 4:13

Nkelpelapkeskangkek nak apkelemhama apmaniaie apkellengai'o m'a apkeleltennaikama apkelteniai'o apiempeiok Pedro kakpota nhan Juan, ngkanek apkeliamavek nak metsavhongvaiakmo apnaqtalhesaikamok ma'a kanhan enenlhet apkellomakha apankavek ma'a. Ka atlheianvekho lhnak na apvalho'ok apkellelto apkeltamesaikamok Jesús ma'a.

Juan 15:13

Akiav'o la apkasekhai'o aptema po'ok nengaqte, ntasek enietsepok apiaqmoiekha la m'a.