Lucas 11:36 - Nuevo Testamento Toba Maskoy

³⁶ Apommato la'a apvalhok lheiap, mangkolhek ienaqteskama lhma', etak alhnakho nkek lheiap malha talha alhankok atsaskeskama na lhma'.

Lucas 11:36 Referans Kwoze

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Santiago 1:25

Koka aktakmelakho nkek enenlhet anak metka apkelvangkaiam aktakha la apkailhemo, apsekho nhan alketamekama apvalhok aktakha aklheianma ley Eniapom Neten akto akiokho nkek aktaqmanma m'a, akmovana nkolvongkesek tep apkellelto nak apkelleliehekho mota m'a.

Hebreos 5:14

Koka apkellelto la aliennaktema apvalho'ok, apvanka'ak elioho qaselha aktaqmanma nlho ka la ngkollatsekama aniem'o aleltamekamok apkelvetai'a mota. Malha metno apketkok aptangko songkek ma'a, apvanka'ak etavangkok aptekamok aliennaktema.

Efesios 4:14

Nkomaskok ma'a nentangko malha nematka nak mankoliennaktema apvalho'ok kolhvavek anke nak akiaqmoiekha mo'ok alketamekama apvalho'ok. Kolhvavek ankek na eiaqmonkasangkok mo'ok nematlhekmoskama ngkolatsekama apketsokmo la enenlhet apkenmopvanka'a nak heniennengkesek, koka malha al·hanemmalhka m'a.

Lucas 11:35

Etaqmelkes apvalhok anak, meniangko nkek nkospana apommatma.

Lucas 11:37

Netamen Jesús apsavhomo lhnak apkeltennaikama m'a, ka apkeltemo lhnak lhema fariseo etasakhak lhemek apnemakha m'a kakpota eltavokhak ma'a, ka apnaiakmo lhnak Jesús ma'a.