Lucas 10:7 - Nuevo Testamento Toba Maskoy

⁷ Eniakhamok hata m'a lhema pa'at apkelvanlha la'a, melakta pankek nahan. Etavok hata nhan ma'a, einamok nahan lhamakho aktemakha la'a apketlhevai'a m'a. Nkelietavek etlhevangkok ketlhengkap ma'a ngkanek akianmoma apkenmakmekama.

Lucas 10:7 Referans Kwoze

2 Timoteo 2:6

Kanhan enenlhet apmakmekama la akientalhnema aniep apankok, eknek sekhe kakpota alhaiek etak apnaklhema akielhna.

Galatas 6:6

Enenlhet apto la nema atlhekmoskama ania'a aktaqmanma, ntasek epasmekhak lhamakho qaselha aimelhkelha la m'a apto apketlhekmoskama m'a.

Lucas 9:4

Apkelvakmek hata nkek lhema pa'at la'a, eniakhamok hata m'a akvakmo apkeltaqhemo mokhom.

Marcos 6:10

Hata apkelentalhno ta lhema pa'at, eniakhengvom hata m'a akvakmo apkelentepakho ta m'a natemma nak.

1 Timoteo 5:13

Kanhan akpenesalhko la akpekkenammalhka akvesai'a m'a, nkovak kelha nhan mangkoiakvaiam nkomakmama, nkotnama kelha nhan amaika'a natemma la'a, nkomaleniongvomok kelha nhan akvanlha la natemma, ngvanengvakmek na akvet'akha la akientalhnema mo'ok, nlheianvakme nkek nahan.

Hechos 16:34

Ka netamen apkeliantemekho lhna lhta mokhom apnemakha apkelanekama atong, aptaveikokho lhna lhta nhan ma'a. Avanhek na lhta alpaihekha apvalho'ok aniem'o aptaiangko meliaskeiam Eniapom Neten.

Hechos 16:15

Netamen alhta akno aklavkeso konne iemmen kakpota nhan lhamakho aknemolhema, lhta ntak hengellano aioselhko m'a: —Atlheno la apvalho'ok ketlhengkap asto ko'o have niapak moi'askeiam Apveske, ntasek eniakhengvakhak asnemakha —lhta ntak hengellano. Hengelienlhanakmave lhta ngkelvana lhta m'a akvakmo lhta nellasekhangvakmo nhan ennengko'o.

Hechos 16:40

Lhta netamen ma'a Pablo kakpota nhan Silas apkenmeiakho lhta aknemakha Lidia, apkelvetangvakho lhta nhan ma'a apkellelto apkelialheng'a, apkeliatakho lhta nhan, ka apkelentepo lhta nhan ma'a na temma lhta.

Lucas 10:6

Apkakhangko la m'a enenlhet meltemengveiakmo la lhma, nkovak hata altaqmelaikama apvalho'ok ma'a. Koka apkakhangko la enenlhet apkellanekamok ngkollatsekama, mankovhek hata altaqmelaikama apvalho'ok ma'a.