Lucas 10:6 - Nuevo Testamento Toba Maskoy

⁶ Apkakhangko la m'a enenlhet meltemengveiakmo la lhma, nkovak hata altaqmelaikama apvalho'ok ma'a. Koka apkakhangko la enenlhet apkellanekamok ngkollatsekama, mankovhek hata altaqmelaikama apvalho'ok ma'a.

Lucas 10:6 Referans Kwoze

2 Tesalonicenses 3:16

Hai, askeltavek Apveske apto aktaqmelaikama engvalhok aniapom ellangkok metka altaikama apvalho'ok neska akvai'a lhamakho aktemakha akientalhnema, etnangkok hata mota apketlhelhma'ak ma'a.

Santiago 3:18

Ka apkellelto la aptengiaikamo mota aktaqmelaikama envalhok, malha nhan ma'a enenlhet apkanma la mota aktek akvesai'a koka aktaqmelaikama envalhok, netamen ma'a enaklhek hata malha akielhna akvesai'a koka nhan akpeivomo.

Efesios 5:6

Mellanko nkek eliennengkeskak enenlhet'avok anak aktaikama nkek ania'a apketsoiam, nkanek Eniapom Neten hata eliaqmongkaskesekhak apkeltemakha meleliehekho m'a.

1 Pedro 1:14

Eniapom Neten apketkak ketlhengkap, ka ngkanek ntasek eleliehekho mota ma'a, melieplavkesek mokhom aliaspongkomakha lhta apvalho'ok aptaiangkolha lhta mota nhan lhennenga meliamelha lhta Eniapom Neten.

Lucas 10:5

Hata apkelvakmo la natemma, elpaives hata etnangkok hengke'e: "Altaqmelaikama apvalho'ok hata hengke'e", hata etnangkok ma'a.

Lucas 10:7

Eniakhamok hata m'a lhema pa'at apkelvanlha la'a, melakta pankek nahan. Etavok hata nhan ma'a, einamok nahan lhamakho aktemakha la'a apketlhevai'a m'a. Nkelietavek etlhevangkok ketlhengkap ma'a ngkanek akianmoma apkenmakmekama.