Lucas 1:41 - Nuevo Testamento Toba Maskoy

⁴¹ Apkaktemmakpek nak atka av'alhok Isabel neksa aklengai'a lhnak akpaiveskama María, aplanei'avek nak na av'alhok Espíritu Santo m'a,

Lucas 1:41 Referans Kwoze

Lucas 1:67

Aplanei'avek nak apvalhok Zacarias Espíritu Santo, ka apkelientemongkeskamo lhnak aplheianma qaselha akmak'akha ta ngkotnek ma'a, lhna aptemak ma'a:

Lucas 1:44

Neksa aslengai'a lhkek hepaivaskama lheia, apkaktekpek lhek eietka evalhok aniem'o apketsevaskamo.

Lucas 1:15

Neten ankek hata ngkotnek apiaspommap napaqtek Eniapom Neten, meinek hata vino m'a kakpota nhan iavhan anmen. Elanok hato ka apvalhok Espíritu Santo neksa apietnema konne av'alhok angken ma'a.

Hechos 4:8

Aplanei'avek nak apvalhok Espíritu Santo Pedro m'a, ka apkatemmoiangka lhnak ma'a, lhnak aptemak: —Ketlhengkap apkelemhama apmaniaie, kakpota nhan metno apketko'ok,

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 7:55

Koka Esteban aplanei'avek nak apvalhok Espíritu Santo m'a, apkammelhmo lhnak neten, apvetai'o apkapommatema Eniapom Neten ma'a kakpota nhan Jesús nak apkenmaiangka napokha akieto iennakha.

Apocalipsis 1:10

Aknem apanko lhta ntak Apveske m'a, mpelapkaske lhta akvo'o aklanei'o evalhok apmopvana Espíritu, asleng'a lhta nema aliatekama netamen ko'o, akiennaktema nkek akpaivoma malha trompeta la'a,

Efesios 5:18

Metnamo nkek na akvakmo alieiesolhma vino ngkanek nkoltemeskesek hata malha metka apkelielhnengvaiam ma'a, ntasek koka elleltok ellanangkok apvalho'ok Espíritu.

Hechos 6:3

Ntasek eliekiesangkok apieseksek anak ketlhengkap 7 enenlhet altaqmanma la apkeltemakha, nema la nhan apkeliamo, allaneiangko la nhan apvalho'ok Espíritu Santo kakpota etnangkok apkelhpankesaikamok ma'a.

Lucas 4:1

Aplanei'avek nak apvalhok Jesús Espíritu Santo, apmaiangka lhnak ma'a kakpota emhangkok iokhalhma metkelha temma.

Lucas 1:40

Ka aktalhnengvekho lhnak Zacarias apnemakha m'a, akpaiveskekho aptava Isabel.

Lucas 1:42

lhna ntemak akiennakteskamo akpaivoma: —¡María, Eniapom Neten apvetaskasak akiavai'a aktaqmanma aniemhaikama lheia' kakpota nhan atka nak, mangkolhnok altemo lhemek ngkelvana'ak!

Hechos 9:17

Ka apmeiekho lhnak Ananias apnakha Saulo, apnengkanvekho lhnak apmeiok takhaplhet ma'a, lhnak aptemak apkanemo: —Eialheng Saulo, Apveske Jesús alhta m'a apvetai'o nak lheiap nalhet amai neksa apmeienta nke'e Damasco, ka heiapaskama ko'o hengke'e kakpota etekha lhma lheiap, elanok na apvalhok Espíritu Santo lheiap —lhnak aptemak Ananias apkanemo Saulo.