Juan 9:41 - Nuevo Testamento Toba Maskoy

⁴¹ Ka apkellatemmongka lhta Jesús ma'a, lhta aptak: —Aptangko la ketlhengkap metka apaqto'ok, malha niekhe melvetai'a la ngkollatsekama apanko'ok apankave', mangkolhek na nema aliaqmongkaskesekha apkeltakha la'a. Ketlhengkap koka apkelleltakpok nema apaqto'ok, alhnakho nkek apkelvetai'a ngkollatsekama apkellanekamok, nkelietavek etlhevangkok nema aliaqmongkaskesekha ta —lhta aptak Jesús.

Juan 9:41 Referans Kwoze

Lucas 18:14

Ka apeneskamo lhnak apietkeskama Jesús ma'a, lhna aptemak apkellanemo enenlhet'avok: —Have niapak ankek Eniapom Neten elhenek hata apto apeivomo apkenmama lhkek takha patakkom impuesto ankok, have koka m'a fariseo lhkek. Enenlhet apkeleltammakpo neten apankavek, ngkolhek hata altemeskesakho koneng. Koka enenlhet apkeltaikamok koneng anke, neten apankavek hata ngkolhek altemeskesakho m'a —lhna aptemak Jesús.

Hebreos 10:26

Mangkolatsema anlhengkesek mangeleliehekho hengaskamakha Eniapom Neten ngkanek nengeliangvakme lhta akto have niapak ankek ma'a. Ka nellanengko la m'a ngkollatsekama, aqhemo ngkotnek nengaqhema nak nentoskama nengaikamok akiaqmoiekha la m'a.

Lucas 12:47

Nema annengkasekama la'a apiavek aptemakha apekkenkasekha apaivoma apveske apankok koka meliahakho la'a, nkaksek hata ngkolhek aliaqpelhketangka apiempek ma'a.

Santiago 4:17

Apto la enenlhet apiamo niekhe elanak qaselha aktaqmelo, koka melan'ak ma'a, koka m'a ngkolatsekama apkelanai'a.