Juan 9:17 - Nuevo Testamento Toba Maskoy

¹⁷ ka apkelelmalhnekho lhna lhta mokhom aptaqmalveiam, lhna lhta aptaiangkok apkellanemo: —¿Niehek aktakha aklheianma apvalhok lheiap enenlhet nak lhek ke, he? —lhna lhta aptaiangkok. Ka apkatemmoiangka lhna lhta m'a, lhna lhta aptemak: —Apkeltennasemmap ania'a apankek ma'a —lhna lhta aptemak.

Juan 9:17 Referans Kwoze

Juan 6:14

Nkeliemaske lhta apvalho'ok enenlhet'avok apkelvet'o qaselha mongenatkeskama m'a, lhta aptangkok: —Have na niapak enenlhet anak apto apkeltennasemmap ania'a aplhenammakpo lhnak nanek lhennenga kakpota evak hengke'e —lhta aptangkok ma'a.

Juan 4:19

Mpelapkeskankek na lhta aklengai'a ngkelvana, lhna lhta ntemak: —¿Se lha ntak apioho nak astemakha ie, he? Have na niapak anke apto apkeltennasemmap ania'a lheiap.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Lucas 24:19

—¿Selha qaselha akvetammalhko m'a ie, he? —lhna aptemak Jesús. Ka apkellatemmoiangka lhnak ma'a, lhna aptaiangkok: —Ka Jesús ko Nazaret alhta, Eniapom Neten apkeltennasemmap ania'a apankok alhta m'a. Avanhe lhta akmovana apaivoma, kakpota nhan apkellanai'ak lhta qaselha mongvetai'o napaqtavek enenlhet'avok ma'a.

Juan 9:15

lhna lhta aptaiangkok apkellanemo m'a: —¿Ko la aktakha apvetakho na lhma lheiap? —lhna lhta aptaiangkok. Ka apkatemmoiangka lhna lhta m'a enenlhet, lhna aptemak: —Nialpa lhkek hetneskasak ehaqto'ok anak, ka askelienieskakho nhan, asvetakho nha lhma —lhna lhta aptemak.