Juan 8:34 - Nuevo Testamento Toba Maskoy

³⁴ Ka apkellatemmongka lhta Jesús ma'a, lhta aptak: —Have niapak ankek aplhamakho apkellelto la apkellanekamok qaselha ngkolatsekama, malha akto nak ma'a asennaikama anmaikama akiennaktema nkek ngkollatsekama nak.

Juan 8:34 Referans Kwoze

Romanos 6:16

Apkeliavek ketlhengkap apkellelto nak nema allasennaikama nema apkelianmoma apkeleliahakhave mota apveske apanko'ok. Ka aptangko la aveske apanko'ok akvesai'a nak ngkollatsekama, eletsepok hata ketlhengkap ma'a, koka aptangko la apveske apanko'ok Eniapom Neten, elloka ta nha mota apkellanekamok qaselha akpeivomo.

2 Pedro 2:19

Apkeleltennaskek niekhe nhan lhema apaivoma have niapak ankek etnangkokhak hata metka anmaikama mokhom meliamolhma, koka anmaikama niekhe nhan mangiamolhma m'a, nenlhamakho nengelelto nema allasennaikama nema apkelianmoma anko nak qaselhaha akto nhan hengenmaikama m'a.

Romanos 6:12

Ka ngkanek na ketlhengkap mellankek nkonmama mokhom ngkollatsekama, aliatekamok anak apvalho'ok ellanangkok ngkolatsekama.

Romanos 6:6

Neliavek ennengko'o alvaneiam alhta engelvalho'ok nketsepmek lhemek ma'a Cristo akieto neten iamet aktenneskama, mmaskek na hengenmangka ngkollatsekama nak.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Romanos 7:25

Vanlha koka niekhe Eniapom Neten apvankek ma'a aniem'o nhan Apveske engankok Jesucristo, hai', ntase kankek ma'a, gracias Eniapom Neten. Ngvakmek aktakha nnelha hengke'e, have niapak anke nenmak'ak angeleliehekhok ley apankok Eniapom Neten, koka engelvalho'ok anak akmaikama ley ankok ngkollatsekama nak.

Romanos 8:21

ngkolhek hata alvongkaso tep neksa anmaikama aknaktevaskama. Allakhaikama av'alho'ok nahan, ka aktemo nak ma'a Eniapom Neten apketkak nemo nak alpaqnengkasekho anmama maniamolhma.

Romanos 7:14

Nengeliavek ennengko'o ley akto aktaqmelo, aniem'o nhan Eniapom Neten. Ennengko'o koka nellanekamok anak ngkollatsekama, malha aktonak nema asennaikama nema apianmoma nak emekhak po'ok apveske akvesai'a koka ngkollatsekama kakpota hengellasennama m'a.

Juan 3:3

Koka lhna aptemak Jesús apkatemmoiangka: —Have niapak anke, apmak'o la etengvomok lheiap aptemakha nak Apveske Eniapom Neten nkaimelhkek amanie etiemok mokhom, malha nematka sekha apteiam la'a —lhna aptemak.