Juan 6:31 - Nuevo Testamento Toba Maskoy

³¹ Ka aptemo lhnak nanek nengelieihengka Moises annenga akieto iokhalhma metkelha temma, apkellaiangko lhnak nanek nengelieihengka aptekamok nentoma mana, ka ntemak aktalhesammalhka m'a Vakkahak Eniapom Neten apaivoma hengke'e: «Apkellangkek pan apkelleniemai'o neten kakpota etavangkok ma'a».

Juan 6:31 Referans Kwoze

Juan 6:49

Apkelieihengka ketlhengkap aptoiangkek nak nanek nentoma mana akieto m'a iokhalhma metkelha temma, koka nkaqhok apkeletsepmek ma'a.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

1 Corintios 10:3

Aplhamakho lhnak nanek na aptoiangko aptekamok aniem'o neten.

Juan 6:58

Ka pan anak apkeniem'o neten, have aptonak ma'a nentoma mana aptoiangko lhnak nanek apkelieihengka ketlhengkap, nkaqhok koka apkeletsepmek lhnak nanek ma'a. Koka aptavengko la pan alheno lhkek, ngkoitek hata aliennaktema apnenio'ok mankotnengveianlha nnelha —lhta aptak Jesús.

Juan 6:32

Ka apkatemmongka lhta mokhom Jesús ma'a, lhta aptak: —Have niapak ankek ma'a, have apto Moises apkellaikamo lhnak nanek pan apkelleniem'o m'a neten, koka kolhvave nak ko Tata apkellangkek apto haveniapak ankek pan apkeniem'o neten.