Juan 6:27 - Nuevo Testamento Toba Maskoy

²⁷ Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Juan 6:27 Referans Kwoze

Colosenses 3:2

Hai, ntasek nkolketamangko mota apvalho'ok qaselha alleniem'o nak neten, have aknaiangko nak hengke'e nalhepop anak.

Juan 6:54

Koka aptavengko la ehepetek anak, apienangko la nhan ema ehenkok ma'a, nkoite ta aliennaktema apnenio'ok, netamen akvo'o la nnelha aknem lhmankek ham, ko'o ta anaklhatekhaskamok na m'a.

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

Romanos 6:23

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Juan 10:28

Askellangkek na apkeliennaktema mankotnengvaianlha nnelha, meletsepek hata, mangkolhek na heleiveskesko'o m'a,

Juan 6:51

Ko'o asto nak pan apkeliennakteskama apnenio'ok apkeniem'o neten. Aptavengko la moklhem'a, nkolhnangkok hata aliennaktema apnenio'ok mangkotnengvaiam annelha. Asiokha nak askellaikamok malha pan kakpota nkolhnangkok aliennaktema apnenio'ok aplhamakho enenlhet'avok lhmankek ham —lhta aptak Jesús.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Juan 17:2

Lheiap apkaikamok apientalhnema Apketka takhaplhet'ok aplhamakho enenlhet'avok kakpota ellangkok aliennaktema apnenio'ok mankotnengvaianlha nnelha apkellelto lhta apkellaikamok lheiap kakpota eltaqmelkeskesek ma'a Apketka nak.

Juan 6:58

Ka pan anak apkeniem'o neten, have aptonak ma'a nentoma mana aptoiangko lhnak nanek apkelieihengka ketlhengkap, nkaqhok koka apkeletsepmek lhnak nanek ma'a. Koka aptavengko la pan alheno lhkek, ngkoitek hata aliennaktema apnenio'ok mankotnengveianlha nnelha —lhta aptak Jesús.

2 Pedro 1:17

Neksa nellengai'a lhta apaivoma Eniapom Neten apto eniapma'ak, neksa lhta nhan apommatema neten akvaivantamo lhta nhan apaivoma, ai'o lhta m'a, aktemeskeskamo lhta nhan akiavai'a nkek apvesai'a Jesús, lhta ntak: «Ka eietka ham askamelaiam, apto nhan askeliekieskama ko'o», lhta ntak ma'a.

Filipenses 2:13

Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.

1 Pedro 1:24

Ka aktemo nak na aktalhesammalhka Eniapom Neten apaivoma hengke'e: «Enenlhet la'a akiakvatakho nkek aptaqmanma, malha aktonak panaktema amhamakha nke nak iokhalhma, iakvatakho nhan aktaqmanma, niemak'ak na elhnemok anak kakpota nkopallemmak ma'a,

Lucas 3:22

apvaiventamo lhnak Espíritu Santo takhaplhet ma'a. Malha konemmaktek na ntemak, aklengammalhko lhnak nema aliatekama neten, lhna ntemak heng: —Lheiap eietka askamelaiam, apaiesakhek evalhok lheiap —lhna ntemak nema aliatekama.

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

Juan 3:33

Koka apto la enenlhet mei'askeiam m'a, apiavek Eniapom Neten aplheianma mota iokhalhme.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Juan 6:68

Ka apkatemmongka lhta Simon Pedro m'a, lhta aptak: —Apveske, mamma apno enenlhet lheiap, vanlha lheiap apaivoma nak avankek hengankok akiennaktema ennenio'ok nkotnengvaianlha nnelha.

Lucas 9:35

Apkellengai'o lhnak nema aliatekama aiseksek iephopai'a, lhna ntemak: —Ka eietka askamelaiam ham, eleliehekho ta mota ketlhengkap —lhna ntemak nema aliatekama.

Hebreos 12:16

Mellanamo nkek apkellanaktema ketlhengkap, melvannamankek na aktemakha nak apkellaikamok Eniapom Neten, malha aptemakha lhnak nanek ma'a Esaú apiaqmongkasekho lhnak nanek aptoma aptema m'a apteiam apmanie'.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Hebreos 4:11

Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

Colosenses 2:22

Koka lhamakho henganemakha nak enenlhet apankavek apanko'ok ma'a, ka nkovangkak ketsek heng, nkomaskengvomok koka akiennaktema m'a.

1 Corintios 9:2

Moklhem'a enenlhet hetlhenke mota motnema nema heiapaskamo ko'o, koka apkeliavek niekhe ketlhengkap astema nema heiapaskamo ko'o ngkanek aptaiangkek na Jesucristo apkennemolhema ketlhengkap aniem'o asmakmekama altemeskesaikamok, ngvetammalhkek asto have niapak anke astema nema heiapaskamo ko'o.

1 Corintios 6:13

Ka aptaiangkok na apketlheianma enenlhet'avok: —Nentoma ankok ankek envakmo, kakpota nhan envakmo' ankok ankek nentoma —ka aptaiangko mota m'a. Koka Eniapom Neten hato ka enaqtevasekhak ma'a hanet anak. Koka neniokha nak have antek ankok nenmensangveiam alhma', koka neniokha nak ankok ma'a Apveske, kanhan Apveske apankok neniokha nak.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 11:42

Asiave ko'o heiailhave mota lheiap, astek ko'o astakha nak askenmalhnongkoma kakpota meliaskamek aplhamakho enenlhet anak hengke'e apto lhta lheiap heiapaskama —lhta aptak Jesús.

Juan 8:18

Alhenalhkek ehenkek astaqmanma ko'o, helheianmek na Eniapom apto lhta heiapaskama, enqanet nentakha —lhta aptak Jesús apkellano m'a.

Marcos 9:7

Ka akvai'o lhnak na iephopai'a peskeska ankok, apkellengai'o lhnak nema aliatekama aiseksek iephopai'a, lhna ntemak: —Ko'o eietka ham, avanhek ankek askamelaiam, ellasekho ta nhan ketlhengkap —lhna ntemak ania'a m'a.

Marcos 1:11

Netamen apkellengai'o lhnak enenlhet'avok ma'a nema aliatekama aniemai'o neten, lhna ntemak hengke'e: —Lheiap eietka askamelaiam, apaiesekha mota evalhok —lhna ntemak ma'a nema aliatekama.

Santiago 1:11

Niemak'ak ma'a aktepo la aknem akieplomo nhan akmate, mpallakmek elhnemok na m'a, mmaskengvakmek na aktaqmanma lhkek ma'a. Nnavek na m'a enenlhet la aknema nak apketsekama, emaskengvomok hata nhan m'a kanhan qaselha apanko'ok.

2 Corintios 4:18

Ka nkanek mangelammelhek neksa nellengaiangko akientalhnema nalhepop anak ngkanek nkomaskengvomok hata m'a, ntasek koka aniavenkasok atlhenaikama engelvalho'ok qaselha mongelvet'o mokhom, koka neliavek have niapak ankek nkovak hata m'a, mankomaskengvomek hata nhan ma'a.

Juan 6:47

Have niapak anke, apto la mei'askeiam, ngkoitek hata akiennaktema apneniek mankotnengveianlha nnelha.

Juan 6:53

Koka lhta aptak mokhom Jesús: —Have niapak ankek ma'a, mang hata nkek etavengkok ketlhengkap aphapetek Enenlhet Apketka nak, meinanko la nhan ema apankok ma'a, mangkoitek hata aliennaktema apnenio'ok.

Juan 6:62

¿Ko la ta etnangkok ketlhengkap apkelvet'o ta Enenlhet Apketka nak apmeiakho ta mokhom neten, he?