Juan 6:14 - Nuevo Testamento Toba Maskoy

¹⁴ Nkeliemaske lhta apvalho'ok enenlhet'avok apkelvet'o qaselha mongenatkeskama m'a, lhta aptangkok: —Have na niapak enenlhet anak apto apkeltennasemmap ania'a aplhenammakpo lhnak nanek lhennenga kakpota evak hengke'e —lhta aptangkok ma'a.

Juan 6:14 Referans Kwoze

Hechos 7:37

Koka m'a Moises lhnak nanek aptemak apkellanemo Israelitas: "Eniapom Neten hata etepkesek lhema aphapak enenlhet apieseksek anak apkelialheng'a ketlhengkap kakpota etnek apkeltennaskamo ania'a apanko'ok, ka stonak ko'o", lhnak aptemak.

Juan 7:40

Moklhem'a lhta enenlhet akto apkellengai'a apkeltennaikama Jesús ma'a, lhta aptangkok: —Have na niapak ankek apto apkeltennasemmap ania'a nellailhemo nak evakha ta, ka ham, enenlhet anak —lhta aptangkok ma'a.

Juan 1:21

Ka apkelelmalhnengka lhta mokhom: —¿Lheiap anlho Elias annenga, he? —lhta aptangkok. —Ma', have ko'o Elias —lhta aptak apkatemmongka Juan. —Netamen, lhta aptangkok mokhom: —¿Lheiap anlho apkeltennasemmap ania'a aplheianmo lhnak nanek eniapaksek Eniapom Neten, he? Ka apkatemmongka lhta mokhom Juan: —Have' —lhta aptak.

Juan 4:19

Mpelapkeskankek na lhta aklengai'a ngkelvana, lhna lhta ntemak: —¿Se lha ntak apioho nak astemakha ie, he? Have na niapak anke apto apkeltennasemmap ania'a lheiap.

Juan 4:42

Netamen alhta aptangkok apkellano ngkelvana lhta m'a: —Man lhek angeliaskakmok Jesús aktakha lhkek aklheianma lheia, koka kolhvave nak mangeliaskakmok ngkanek nelleng'ak aptakha apaivoma, kolhva neliavek apto hengvongkeskama tep ma'a aplhamakho enenlhet'avok lhmankek ham —lhta aptangkok enenlhet'avok.

Juan 4:25

Koka lhna lhta ntemak mokhom ngkelvana: —Asiavek ko evak hata Mesias, mo'ok nema ltema Cristo, hata hengelpeiveskasekha lhamakho qaselha m'a —lhna lhta ntemak.

Lucas 24:19

—¿Selha qaselha akvetammalhko m'a ie, he? —lhna aptemak Jesús. Ka apkellatemmoiangka lhnak ma'a, lhna aptaiangkok: —Ka Jesús ko Nazaret alhta, Eniapom Neten apkeltennasemmap ania'a apankok alhta m'a. Avanhe lhta akmovana apaivoma, kakpota nhan apkellanai'ak lhta qaselha mongvetai'o napaqtavek enenlhet'avok ma'a.

Lucas 7:16

Avanhek ankek nak apkellai'a enenlhet'avok apkelvetai'o m'a, apkeliavenkaskesaiangka nhan apvesai'a Eniapom Neten ma'a, lhna aptaiangkok: —¡Apva'ak hengke'e apkeltennasemmap ania'a neten apanke apiaspommap, Eniapom Neten apkeltave epasmok apkennemolhema! —lhnak aptaiangkok ma'a.

Juan 2:11

Ka heng ampai'akhasekha lhta Jesús apkelanai'a qaselha mongenatkeskama kakpota elvetaskesek akietnema apmopvana. Ma lhta eliaskakmok apkeltamesaikamok ma'a.

Juan 6:2

Ma lhta ntek enenlhet apkelieplekha m'a ngkanek apkelvetai'ak aklhamakma qaselha mongenatkeskama apkellanai'a m'a. Apkeltakmelkeskaiam na enenlhet anmaska apiempeiok ma'a.

Juan 6:26

Koka lhta aptak Jesús apkellatemmongka m'a: —Helketangke mota ketlhengkap ngkanek askellangke lhta aptekamok akvakmo apkeliaqkanakmo lhta, koka meliamok mokhom aktemakha aklheianma m'a qaselha mongenatkeskama askelanai'a nak ko'o.

Juan 6:30

Lhta aptangkok mokhom enenlhet apkellano Jesús: —Elana no qaselha mongenatkeskama kakpota mangeliaskamek ennengko'o lheiap.

Juan 11:27

Lhta ntak Marta atemmongka: —Hai apveske', moi'askakmok ko'o lheiap apto Cristo Eniapom Neten apketka aplhenammakpo nak evak hata hengke'e —lhta ntak.