Juan 5:41 - Nuevo Testamento Toba Maskoy

⁴¹ Moteniak ko'o apkeltemeskeskama la akiavai'a asvesai'a enenlhet'avok.

Juan 5:41 Referans Kwoze

Juan 7:18

Enenlhet apto la aplhenammakpo panke', apkeltemo ngkolhek altangko nema apiamo neten apankek. Koka enenlhet apteniai'a la mota aptemeskeskama neten apanke apvesai'a apto apkapaskama, koka enenlhet anak akto iokhalhmek aplheianma m'a, have apmopvana ania'a.

1 Tesalonicenses 2:6

Ma lhta nhan anteniaiangkok hengeltemeskesek ketlhengkap kanhan po'ok enenlhet la'a neten engankavek ennengko'o.

Juan 8:50

Moteniak ko'o asiaspommalhko ehenkek la'a, koka apnek ma'a apto heiaspekama mota, apto nhan apkeliekpelkemo lhamakho qaselha m'a.

Juan 5:34

Ko'o koka melaimekpok enenlhet hetlheianma la asvesai'a, asiamolhma napaqtavek alhenkek mota qaselha nak kakpota elvongkasakpok tep ketlhengkap.

Juan 8:54

Ka apkellatemmongka lhta Jesús, lhta aptak: —Aqhemo alhenalhko la ehenke' ko'o nema heiaspekamaha, Tata koka heiangkok asiaspommalhka. Ko'o Tata aptaiangko na mota ketlhengkap Eniapom Neten apanko'ok,

Juan 6:15

Apiempeiok apankave lhta apteniangkok enenlhet kakpota eltemeskesek apiav'akha apveske' Jesús ma'a, koka apkanetvakhe lhta netne kanke metaimong akhaiam Jesús ma'a kakpota elhek aplhepkennenga m'a.

Juan 5:44

Mankollapvankek nkolhnangkok meliaskeiam ketlhengkap ngkanek vanlha mota apteniaikamok eleltangko mota enenlhet apkeliamolhma ketlhengkap. Meteniaiangkok na apketlheianma la Eniapom Neten apto apveske vanlha lhema aphapak apanke etlhenek apkeliamolhma ketlhengkap ma'a.

2 Pedro 1:17

Neksa nellengai'a lhta apaivoma Eniapom Neten apto eniapma'ak, neksa lhta nhan apommatema neten akvaivantamo lhta nhan apaivoma, ai'o lhta m'a, aktemeskeskamo lhta nhan akiavai'a nkek apvesai'a Jesús, lhta ntak: «Ka eietka ham askamelaiam, apto nhan askeliekieskama ko'o», lhta ntak ma'a.

1 Pedro 2:21

Neksa apkellavekama lhta Eniapom Neten ketlhengkap apiamave lhtoka nhan elvetak hata akientalhnema aniem'o aknaikamok apkelleliehekho ma'a, ka aptemo lhta nhan Cristo aplengaiangko aniem'o apkelpasmoma ketlhengkap, apkeleltemo lhta nhan ketlhengkap elvanangkok ma'a aptemakha.

Juan 5:40

Man koka helketamak ketlhengkap kakpota allangkok aliennaktema apnenio'ok.

Juan 5:42

Askeliavek ko aptaiangkolha ketlhengkap, asiavek na mankolhnaiangkok nengasekhai'o nak aniem'o Eniapom Neten.

Juan 12:43

Apkeleltave lhta nhan eliaspama aptangkolha m'a, man koka eteniaiangkok eliaspama aptaiangkolha Eniapom Neten ma'a.