Juan 5:19 - Nuevo Testamento Toba Maskoy

¹⁹ Koka lhta aptak Jesús apkellano m'a apkelemhama apmaniaie judios: —Have niapak anke, apto Apketka mankapvankek elana apmak'akha la elana. Vanlha elanak apvet'o la apkelan'o qaselha Eniapom, lhamakho qaselha apkelanai'a Eniapom, kakpota nhan elanak ma'a Apketka.

Juan 5:19 Referans Kwoze

Juan 12:49

Have nhan aniem'o ehenkok ehenke asketlhekmoskama nak, Eniapom apto lhta heiapaskama apkeltemo atlhekmoksek. Asiavek ko'o nkolhnangkok hata aliennaktema apnenio'ok mankotnengvaianlha nnelha apkellelto la apkeliehekho henganemakha apankok Eniapom —lhta aptak Jesús.

Juan 8:28

Lhta aptak mokhom Jesús: —Hato ka akno ta aklheno neten Enenlhet Apketka nak, eliangvakhok hata ketlhengkap asto ko'o, have askelanai'a ehenkok ehenke', vanlha askelanai'a apkeltemo alana Eniapom.

Juan 14:10

¿Apiaskakmek nlho lheiap Eniapom kakpota nhan ko'o nengelelto enlhema? Lhamakho aktakha nak alheianma aniem'o m'a Eniapom, have ehenkok ehenkek alheianma nak, Eniapom ko'o alhelhma, hemama ko'o m'a kakpota allanak lhamakho qaselha.

Juan 10:18

Astema ehenkek askaikamok asiennaktema, mamma enenlhet helekkesek ma'a, nietnek asientalhnemo kakpota allangkok, amekhok mokhom takha m'a, ngkanek Tata aptema m'a —lhta aptak Jesús ma'a.

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

Juan 9:4

Neksa aktema mokhom aknem, ntasek angellanangkok apkeltemo lhta apto heiapaskama, lheme ta nkovak hata aptema pelhasep, koka mongapvankek angellanak qaselha m'a.

Lucas 21:15

Ko'o ta allangkok ngkeskama apkeliangveiakmo apkellasennammap la ankok kakpota nkollapvanak apkellatemmoikama, mangkolhek hata alieko'o ketlhengkap ma'a.

Juan 5:21

Eniapom anak apnaklhatekhaskakmek apkenmaskengvaiakmo nak, Apketka nhan ma'a apkellangkek aliennaktema apnenio'ok apkenmak'akha la ellangkok enenlhet.

2 Corintios 5:10

Hai, nenlhamakho ta lhma nkek ham angelanvakhak ma'a akieto m'a apkeliekpelkemelha nentaiangkolha Cristo, moklhem'a ta angetlhevangkok akianmoma aktemakha la nellanai'a ngkolatsekama, nlho ka la aktaqmanma neksa nellaniemhaikama hengke'e nalhepop anak.

Juan 3:3

Koka lhna aptemak Jesús apkatemmoiangka: —Have niapak anke, apmak'o la etengvomok lheiap aptemakha nak Apveske Eniapom Neten nkaimelhkek amanie etiemok mokhom, malha nematka sekha apteiam la'a —lhna aptemak.

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

Colosenses 1:16

Apmaiangka lhnak nanek na Eniapom Neten Cristo kakpota ellanak lhamakho qaselha aknaikamo nak ma'a neten kakpota nhan nalhepop, qaselha nelvetai'o nak kakpota nhan mangelvetai'o nak, qaselha av'alho'ok anak aveske nko'ok, aknema na alientalhnemo kakpota nhan aknema nak anmovanka'a, ka lhamakho qaselha nak Eniapom Neten apkellanai'a aniem'o apmaikama Cristo, aptemo nhan apanko'ok ma'a.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Filipenses 3:21

Eliaqmongkasekhak hata mo'ok aktemakha eniempeiok anak nkoliennaktema, hengellangkok hata nhan eniempeiok tep ankek aktaqmanma, ka aktemo nak apiokha m'a, apvankek na enmama lhamakho qaselha aniem'o akietnema apmopvana m'a.

Efesios 3:16

Askelelmalhneskaskek askeltemo ellangkok aliennaktema nkek apvalho'ok ketlhengkap aniem'o Espíritu apankek ma'a, aniem'o nhan apto apiavai'a apankek ma'a.

Efesios 2:5

Niekhe lhta malha nengeletsepma' aniem'o nellanekamok ngkollatsekama, hengellaiangkek koka nentaikamok enhalhnanko'ok ka aptemo lhta nhan apkelanei'o Cristo. Hengelvongkeskangkek na tep Eniapom Neten aniem'o aktaqmanma nkek hengellanei'o.

2 Corintios 4:14

Neliavek na ennengko'o m'a apto aplhatekhaskeiam neksa apketsepma Jesús, hata nha ngkotnek ennengko'o m'a annaklhatekhangvomok hata m'a, ketlhengkap nahan, netamen angelvakhak hata nhan napaqtek ma'a.

1 Corintios 15:12

Ennengko'o nengeleltennaseiangkek aktemakha aplhatekhangveiam alhta Cristo apieseksek apkenmaskengvaiakmo ¿Se lha ntemak moklhem'a ketlhengkap apketlheianmo nak menaklhatekhangvomek hata m'a apkeletsepma nak, he?

Romanos 6:4

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

Hechos 2:24

Netamen aplhatekhaskeiakme lhta nhan apieseksek apkenmaskengvaiakmo, apaknengkasekhe lhta akmaska nengetsepma, mankavankek mokhom ngkomangkok ma'a.

Juan 2:19

Ka apkellatemmongka lhta Jesús, lhta aptak: —Hata apnaqtevasakho la ketlhengkap Eniapom Neten apnemakha nak, hanetolhem'a aknem hato ka ngkotnek alanekhak mokhom alhnankok ham —lhta aptak Jesús.

1 Tesalonicenses 4:14

Mongeliaskeiakmok ennengko'o Jesús apketsepmo lhta kanhan aplhatekhangveiakmo lhta nhan, mang na angeliaskeiakmok Eniapom Neten elaqlakhak hata apkelelto nak apkeletsepma meliaskeiam la Jesús.

Colosenses 1:11

Nelelmalhneskaskek na Eniapom Neten etneskesangkok apkeliennaktema aniem'o akiavai'a apmopvana m'a, kakpota ellapvanak elvaskapok metka apkelpekheskama akvo'o la akientalhnema. Netamen hata m'a nkolpaihekhak hata apvalho'ok ma'a,

Juan 6:38

Asvaivantanie lhta ko'o koneng anak have asmak'akha atnehek ehenkok ehenke, vanlha asma aliehekho Eniapom apto lhta heiapaskama.