Juan 4:48 - Nuevo Testamento Toba Maskoy

⁴⁸ Lhta aptak Jesús: —Lheiap kakpota nhan apkennemolhema nak vanlha apkeleltemo elvetak qaselha mongenatkeskama, qaselha hempelapkeskama nhan kakpota meliaskame —lhta aptak apkano m'a.

Juan 4:48 Referans Kwoze

Juan 20:29

Koka lhta aptak Jesús apkano: —Mangheiaskakmok lheiap ngkanek heto'o nak, koka aktaqmelakho nke ta nhan enenlhet'avok apkellelto mangheliaskeiam metka helvetai'a nak —lhta aptak.

Hebreos 2:4

Apkelan'a lhta nhan Eniapom Neten qaselha mongenatkeskama, qaselha hempelapkeskama kanhan qaselha aktaqmelo mongvetai'o kakpota nhan apkellaiangko lhta Espíritu Santo apmak'akha la ellangkok kakpota ngkotnek iokhalhmek ma'a ania'a apketlheianma.

1 Corintios 1:22

Apkellelto nak judios vanlha apkeleltavek elvetak qaselha mongenatkeskama kakpota meliaskamek ma'a, koka apkellelto nak griegos vanlha apteniangkek aliangveskeskaiakmo la apkeliangveiakmo.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Juan 12:37

Ma lhta ntek apkellanai'a qaselha mongenatkeskama Jesús napaqtavek enenlhet'avok ma'a, nheklhek koka apkeliaskeiam ma'a.

2 Corintios 12:12

Apkeliavek ketlhengkap asto nhan nema heiapaskamo ko'o, apkelvetai'a lhta asmakmeiangka metka aspekheskama, askelanai'a lhta nhan qaselha mongenatkeskama, qaselha hempelapkeskama nhan, qaselha akiavai'a akmovana nhan apieseksek anak ketlhengkap.

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.

Hechos 14:3

Koka nheklhek nak apkakhaikamok Pablo ka nhan Bernabe m'a akieto Iconio, apkeleltennaseiangka lhnak na ania'a hengamelaiam Apveske enenlhet'avok ma'a metka apkellai'a, ngkanek apkeliamavek nak apkeltakmelkeskamo m'a. Apkellaiangkek nak na m'a apkenmopvanka'a kakpota ellanangkok qaselha mongenatkeskama kakpota nhan qaselha hempelapkeskama.

Marcos 13:22

ngkanek elvak hata apkelietkesammakpo Cristo, kakpota nhan apkeleltennasemmap ania'a apkenmopvanka'a ania'a. Ellanangkok hata qaselha mongenatkeskama kakpota nhan qaselha hempelapkeskama kakpota eliennengkesek aplhamakho enenlhet'avok lhmankek ham, nkomahak hata nhan eliennengkesek aptangko nak nema aliekieskama.

Hechos 2:43

Nkeliemaskangkek nak apvalho'ok enenlhet'avok ma'a apkelvetai'o qaselha hempelapkeskama aktaqmanma nkek kanhan qaselha mongenatkeskama apkellanekamok nema allapaskamo.

Juan 2:18

Netamen ma'a apkelemhama apmaniaie' judios apkelelmalhnengka lhta Jesús, lhta aptangkok apkellano: —¿Selha akto aptonak lheiap hengka ie, he? ¡Ngva'! Elana no qaselha mongenatkeskama kakpota hengelvetaskesek apientalhnemo lheiap aptakha lhkek apkelentepkaso enenlhet'avok Eniapom Neten apnemakha lhkek —lhta aptangkok ma'a.

Lucas 16:31

Koka apkatemmoiangka lhnak mokhom Abraham ma'a: "Meleliahakho la ley Moises kakpota nhan vakkahak apanko'ok apkeleltennasemmap ania'a, kakpota nhan meleliehekhek hata nhan ma'a lhema aphapak apmaskengvaiam apmeiakho la m'a apkakhangkelha", lhna aptemak Abraham.

2 Tesalonicenses 2:9

Ka enenlhet anak meihamolhma m'a nkoniemak hata akpasmoma Satanas, nkankok hata nhan akiavai'a nkek apmopvana kakpota ellanak qaselha mongenatkeskama kakpota nhan qaselha hempelapkeskama akmovana ania'a.

Hechos 15:12

Lhamakho enenlhet nak apkelvanmeiangkok apkeltakmelkeskamavek nak apkelailheiangko m'a. Ka apkelempai'o lhnak na apkeleltennasekama Pablo kakpota nhan Bernabe lhamakho aktemakha apkellanai'a qaselha mongenatkeskama, qaselha hempelapkeskama nhan alleniem'o Eniapom Neten apieseksek metnangko nak judios ma'a,

Hechos 7:36

Koka m'a Moises nak nanek apkel·hatsoskekho lhnak apaivomolhema iokhalhma Egipto, apkelanei'o lhnak na ngkeskama qaselha mongenatkeskama kanhan qaselha hempelapkeskama akieto m'a Alvata iemmen Akielhvasema ka nhan ma'a akieto iokhalhma metkelha temma akvakmo 40 iantelhkapa.

Hechos 6:8

Avanhek ankek nak aplhevai'a akmases apvalhok Esteban kanhan aknema apmopvana aniem'o Eniapom Neten, apkelanai'ak na mota qaselha hempelapkeskama kanhan qaselha mongenatkeskama napaqtavek enenlhet'avok apkellavakha nak ma'a.

Hechos 5:12

Apkellaiangko lhnak apkenmopvanka'a Eniapom Neten nema allapaskamo kakpota ellanangkok nkeskama qaselha mongenatkeskama kanhan qaselha hempelapkeskama apieseksek enenlhet'avok. Lhamakho aknem nak ma'a apkaqnekha meliaskeiam Jesús akieto malamong avhak pa'at akvesai'a Salomón.

Hechos 4:30

Elvetaskes hata apmopvana eltaqmelkeskamok anmaska apiempeiok enenlhet'avok, elanak qaselha mongenatkeskama kanhan qaselha hempelapkeskama akieplomo apvesai'a Jesús apto apokkanma apkasennaikama lheiap —lhna aptaiangkok apkelelmalhnongkomo m'a meliaskeiam.

Hechos 2:19

Alvetaskesek hata nhan qaselha hempelapkeskama neten, kakpota nhan qaselha mongenatkeskama nalhepop, ngkoitek hata ema, talha kakpota nhan akpanma eten akiavai'a.

Lucas 10:18

Lhnak aptemak Jesús apkellatemmoiangka: —Hai, asvet'ak lhek Satanas akteiakmo neten malha apkelienmoma lhke ntak ma'a.

Juan 4:49

Apkapema lhta capitan ma'a, lhta aptak: —Apveske, nok, eniakhetamok angenmeiakha asnemakha amanie apmahai'a enietsepok eietka —lhta aptak capitan.