Juan 4:1 - Nuevo Testamento Toba Maskoy

¹ Apiave lhta Jesús apkellengai'o ania'a fariseos aplhamekamok apkeltamesaikamok apankok kanhan aplhamakma enenlhet'avok apkellavkesaikamok iemmen ma'a, aselhtek noka m'a Juan.

Juan 4:1 Referans Kwoze

Juan 3:26

Netamen nak ma'a apkenmeiekho lhnak apnakha Juan apkeleltennaskekho, lhnak aptaiangkok: —Hengetlhekmoskama, nlheianvakhave nlho apvalhok enenlhet aplheno lhta lheiap aptaqmanma apanke, aptemo lhna lhta aplhelhma lheiap nekha alvata Jordán na alhta. Kolhva koka apkellavkesangkek konne iemmen enenlhet'avok ma'a, apkelieplakhek na apentalhnema apanke enenlhet ma'a —lhna aptaiangkok ma'a.

Juan 3:22

Netamen nak ma'a Jesús kakpota nhan apkeltamesaikamok apkenmeiakho lhta iokhalhma Judea, apkakhengvakhe lhta m'a iama akiakvatakho, ka apkellavkesangko lhta nhan konne iemmen enenlhet'avok ma'a.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

1 Corintios 15:47

Hai, apmanie lhnak nanek nema alanai'a enenlhet apanke apkeniemai'o m'a nalhepop, netamen na enenlhet apkeniemai'o nhan ma'a neten.

1 Corintios 2:8

Ma lhta nkoietnemak nenianveiakmo nak apkelemhama apmaniaie engankok alhta, ko lhtema nak akietnema la apkeliamoho, mennape lhta Apveske engankok aknema apmopvana neten iamet aktenneskama.

Hechos 10:36

Apkapaske lhta Jesucristo apto Apveske alhma nkek ham kakpota epaiaksek ania'a hengaikamok altaqmelaikama engvalho'ok apieseksek Israel.

Apocalipsis 19:16

Apkaqlammap alhto ka m'a nietne lhta aptalhesammap ma'a alqama akieto aptepio'ok ma'a, lhta ntak: Apiav'akha Apveske neten apankek melhnok po'ok apiav'akha apveske. Apveske neten apankek melhnok po'ok apveske la'a, lhta ntak aktalhesammalhka m'a.

Santiago 2:1

Ketlhengkap elialheng'a, meliaskeiam Jesucristo apveske engankok aknema apmopvana, ka ngkanek mangkolatsema aptangko la melhneskamo mo'ok apkellanei'o po'ok.

Lucas 2:11

Apteiakmek lhek apto apkelvongkeskama ta tep enenlhet'avok akieto apkavakha David, Cristo apto Apveske.

Lucas 19:34

—Apveske lhkek apkeltema —lhna aptaiangkok ma'a.

Lucas 19:31

Hata apvet'o ta otep ma'a, apkelelmalhnengka la'a apkenmahai'a etnangkok, eleltennes hata m'a apveske lhkek aptema, hata eltehek ellanak ma'a —lhna aptemak Jesús apkellanemo.

Lucas 1:76

Lheiap eietka ngkolhek hata aktemeskaso apkeltennaskama ania'a apankok apto apnema netne kanke nak. Lheiap hata evomok apmanie m'a Apveske, epeneskasok hata nhan amai apankok ma'a.

Lucas 7:13

Apietnai'avek nak na'at Apveske lhentampe m'a, lhna aptemak: —Moven ankek lheia' —lhna aptemak.

1 Corintios 1:17

Nkanek ma lhta heiapaskama Cristo kakpota allavkesangkok konne iemmen enenlhet'avok, vanlha koka heiapaskamo altennama ania'a aktaqmanma metka alhenammalhko ehenkok ehenkek nema asiamoho askeltennaikamaha, kakpota mankovaivente aklhenammalhka ania'a apketsepma lhta Cristo neten iamet aktenneskama. Ngkanek akto neten ankek akiaspommalhka m'a ania'a nak ma'a, mangkolhnok asmopvana nak ko altennama ania'a.