Biblia Todo Logo
Bib sou entènèt

- Piblisite -




Juan 3:3 - Nuevo Testamento Toba Maskoy

3 Koka lhna aptemak Jesús apkatemmoiangka: —Have niapak anke, apmak'o la etengvomok lheiap aptemakha nak Apveske Eniapom Neten nkaimelhkek amanie etiemok mokhom, malha nematka sekha apteiam la'a —lhna aptemak.

Gade chapit la Kopi




Juan 3:3
32 Referans Kwoze  

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha


Mamma nkek na apkellanekamok ngkollatsekama m'a apkellelto nak Eniapom Neten apketkak, nnaiangkek apvalho'ok qaselha nepiava nak aktemakha apkellangiemhaikama aniem'o m'a Eniapom Neten, ka nkeniemai'ak na m'a metlhenkesek apkellanekamok ngkollatsekama ngkanek Eniapom Neten apketkak ma'a.


Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.


niekhe lhta ennengko'o mongellaneiangko qaselha altaqmelo, nkaqhok koka eniosak'ak hengellanei'o m'a Eniapom Neten, hengelvongkeskamo nhan tep, hengellalhnaskeskamo nhan engelvalho'ok, malha nhan hengeltemeskeskamo nhan malha la kolhva nempalleiam, hengellaiangko alhnankok neniennaktema aniem'o Espíritu Santo.


Malha lhna lhta ntemak apalleiam alhnankok aniem'o Eniapom Neten, have m'a aniem'o apkeltemakha apankave nak enenlhet.


Apkeliavek ketlhengkap Jesucristo apto apeivomo, ka lhamakho enenlhet anak apkellanekamok qaselha akpeivomo, apkellelto koka m'a Eniapom Neten apketkak.


Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke


Kolhva alhnankok nentaiangkolha nak koka akto neten ankek akiaspommalhka m'a, mangkolhnok aliaqtemenammalhka nak nekhatkok apkellammelhakha, nlho ka la nhan metka nak aliaqtemenammalhka m'a.


Neliavek ennengko'o mongelaneianko ngkollatsekama apkellelto nak Eniapom Neten apketkak, ngkanek Eniapom Neten Apketka nak apkeltakmelkeskama m'a, mankavankek na nkonaqtevaksek keliaqhameio'.


apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.


«Nnengkek allapkesekhok apaqto'ok enenlhet'avok kakpota melvetie lhma, nnengkek na altemeskeskamo metka atlhenaikama apvalho'ok kakpota meliangvomhek ma'a, ka nkeniemai'ak na meliaqmongkasekho mo'ok apvalho'ok ma'a kakpota moltaqmelkeskamek neksa anmaska apiempeiok ma'a» —lhnak nane ntemak aptalheskama.


Malha apkeletsepma lhta ntemak ketlhengkap aniem'o meleliehekho apkellaskamakha Eniapom Neten, qaselha ngkollatsekama apkellanekamok ma'a.


Ka apommatma nak nketsaskeskangkek na lhma aiseksek apienaqtesakha la lhma, mang nak na nkomovanak nkospankesek ienaqtesa lhma m'a apommatema nak ma'a.


Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.


Ka aptemo lhnak na apkellanemo Jesús aplhamakho m'a: —Akto have niapak anke, elvetak hata ketlhengkap akmaihekha neten, ángeles apkenmeiekha neten, apkelvaiventa nhan takhaplhet ma'a Enenlhet Apketka nak —lhna aptemak Jesús.


—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:


Ka apaqtek anak lheiap nkelaneskaskek hata nkek ngkolatsekama, ¡elek hata! Ntase niekhe eklhek apiavek aptemakha nak Apveske Eniapom Neten, have aptonak eieniokpok ngkospaneiakha talha akieplomo hanet apaqto'ok.


Natheskangkek noka nhan Jesús, lhna aptemak apkellanemo apkeltamesaikamok: —¡Meliasamo lhma nematkak anak anmahai'a helteteska! Ngkanek allelto nhan anko'ok aptema nak Apveske Eniapom Neten.


Mpelapkeskankek nak aplengai'o Nicodemo m'a, ka apkenmalhneiangka lhnak, lhna aptemak: —¿Niehe ngkotnek lhema enenlhet neksa aptema apvaneiam etiemok mokhom, he? ¿Ntase nlho etalhnekhak mokhom av'alhok angken, he? —lhna aptemak.


ngkanek Eniapom Neten anak apketka apkeltemeskasantek koneng ngkollatsekama nak. Mongeliaskeiam anak ntemeskesantek na koneng ngkollatsekama nak.


Swiv nou:

Piblisite


Piblisite