Juan 3:11 - Nuevo Testamento Toba Maskoy

¹¹ Ennengko'o koka neliave', nelvetai'ak na m'a, ketlhengkap koka hengeliaskakme'.

Juan 3:11 Referans Kwoze

Juan 8:38

Alhenkek ko'o vanlha mota aktemakha helhekmoskama Apiapom, koka ketlhengkap apketlhengke mota vanlha aktemakha lhta apketlhekmosekamok apiapma'ak apankave —lhta aptak Jesús.

Juan 14:24

Koka enenlhet apto la mangheiasekhai'o, meliahakhok na aspaioma. Have aspaioma ehenkek ko'o, Eniapom koka apto lhta heiapaskama apaivoma m'a.

Juan 12:49

Have nhan aniem'o ehenkok ehenke asketlhekmoskama nak, Eniapom apto lhta heiapaskama apkeltemo atlhekmoksek. Asiavek ko'o nkolhnangkok hata aliennaktema apnenio'ok mankotnengvaianlha nnelha apkellelto la apkeliehekho henganemakha apankok Eniapom —lhta aptak Jesús.

Juan 8:14

Ka apkatemmongka lhta Jesús, lhta aptak: —Hai', iokhalhmek alhenalhko nak ehenke ngkanek asiavek ko'o askempai'akha', asiavek na asmeiakhelha ta, meliehek koka ketlhengkap.

Juan 7:16

Koka lhta aptak Jesús apkellatemmongka m'a: —Ka asketlhekmoskama nak have ehenkok ehenke', koka aniem'o m'a apto lhta heiapaskama.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

Juan 1:11

Akvai'o lhnak ma'a apieseksek annemolhema ankek ma'a, koka apkeltaknongkek noka m'a.

Lucas 10:22

Netamen nak ma'a lhna aptemak apkellanemo Jesús aplhamakho enenlhet'avok ma'a: —Hellaiangkek lhamakho qaselha ko'o Tata, mamma enenlhet apiekpelkemo Apketka nak, vanlha koka Eniapom apiekpelkemo m'a. Mamma nhan enenlhet apiekpelkemo Eniapom anak ma'a, vanlha koka apto Apketka apankek apto apiekpelkemo m'a kanhan apkeliekpelkemo m'a apkellelto la enenlhet'avok apkeliekieskama Apketka —lhna aptemak Jesús.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

Hechos 22:18

Apveske lhta aptak heiano: "Eniakhetamo ta etiepok na temma Jerusalen anak ngkanek mellailhek hata enenlhet'avok hengke'e aktemakha hengetlhekmoskama aniem'o ko'o alhenammalhka", lhta aptak heiano.

Juan 5:43

Ko'o Tata apto lhta heiapaskama, koka manghenmak takha ketlhengkap. Koka apvo'o la po'ok enenlhet apvesai'a apanke', enmankok kelha takha m'a.

Juan 3:13

Mamma enenlhet apvaiakmo neten, vanlha koka apto m'a apvaiventamo nak nalhepop, apvesai'a nak Enenlhet Apketka'.

Juan 3:5

Ka apkatemmoiangka lhnak Jesús: —Nkaimelhke' nak etiemok aniem'o Espíritu kakpota nhan iemmen, kakpota etalhnengvomok ma'a aptemakha nak apveske Eniapom Neten, akto have niapak ankek ma'a.

Juan 3:3

Koka lhna aptemak Jesús apkatemmoiangka: —Have niapak anke, apmak'o la etengvomok lheiap aptemakha nak Apveske Eniapom Neten nkaimelhkek amanie etiemok mokhom, malha nematka sekha apteiam la'a —lhna aptemak.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Juan 3:12

Heliaskakmek alheno aktakha qaselha hengke'e nalhepop anak, heliaskamok hata nhan alheno ta qaselha aktakha m'a neten.

Juan 8:26

Mantek askeltemo niekhe aleltennaksek aktemakha aptaiangkolha ngkollatsekama ketlhengkap, mang koka nkomahai'ak aleltennaksek. Koka lhamakho aktemakha askeleltennaskama nak aniem'o aslengai'a heltennaskama apto lhta heiapaskama, apto have niapak aplheianma m'a —lhta aptak Jesús.