Juan 21:22 - Nuevo Testamento Toba Maskoy

²² Ka apkatemmongka lhta Jesús ma'a, lhta aptak: —Askelto la niekhe eloka mokhom enenlhet anak akvakmo asvaktamo ta, mankoietok lheiap eihok ma'a, lheiap koka heieplomaha —lhta aptak Jesús.

Juan 21:22 Referans Kwoze

Marcos 9:1

Lhna aptemak mokhom Jesús: —Have niapak ankek moklhem'a enenlhet apkellava nak hengke'e, meletsepo nak mokhom elvetangkok hata aknem etnekhak apveske Eniapom Neten akieplomo apmopvana —lhna aptemak.

Apocalipsis 2:25

¡Kolhnamok apkenmaikamok takha asketlhekmosekamo lhta akvakmo asvakta mota mokhom ham!

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

Apocalipsis 3:11

¡Avatak hata kolhvavek ham! Elhengkes hata mangheiaskeiam ko'o kakpota mangkolhek aklekkeskaktamo qaselha apnaksepma apkelhnekha apqatek, nema akpeneskeskamo aplhevai'a ta lheiap.

Santiago 5:7

Ketlhengkap elialheng'a, ellaielh hata aknem metka apkelpekheskama apvektanlha ta Apveske, malha aptonak ma'a aniep aniapom la'a metka apekheskama nak apkelailhema aknem akmamai'akha nak kakpota nhan netamen enaklhek akielhna m'a.

1 Corintios 11:26

Ka ngkeniemai'ak apkelpasmakho la mota aptekamok pan kakpota nhan apienaikamok vino, etlhene mota apketsepma lhta Apveske, ellanamo ta m'a akvakmo aknem apvektanlha ta.

Juan 21:19

Apenesave lhta apaivoma Jesús akmak'akha ta ngkotnek apketsepma Pedro kakpota elvetaskesek enenlhet'avok aptemakha apieplekama metka apiamasangveiam Eniapom Neten ma'a. Netamen alhta m'a, lhta aptak mokhom Jesús apkano Pedro: —Heieplomaha —lhta aptak.

Apocalipsis 22:20

Apto lhkek hepaqmetkeskama, lhke aptak: —¡Kolhvavek hata avatak ham, have niapak ankek! —¡Amen, ntase', elheng apveske Jesús!

Apocalipsis 22:7

—¡Kolhvavek hata avatamok ham! Aktaqmelakho nkek apkellelto apkenmama takha ania'a nak aktemakha akmak'akha ta ngkotnek akietno nak aktalhesammalhka vakkahak anak —lhta nna akto m'a.

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.

1 Tesalonicenses 2:19

Avanhek nemmahai'a angelvetekhak mokhom ketlhengkap ngkanek apkelpaiesekha mota engelvalhok. Ketlhengkap malha netlhevaikamok akianmoma la nennaksepma nempekkenekha empatek anak, hengellaiangko nhan alel·halhnekama engelvalho'ok envanka'ak hata nhan nkolalhkok engelvalho'ok napaqtek apveske Jesús apvaktamo ta hengke'e.

Santiago 5:8

Nnavek na ketlhengkap ma'a elienna ta apkellailhema m'a metka apkelpekheskama ngkanek ketse nkaimelhkak apvektanlha ta Apveske.