Juan 21:17 - Nuevo Testamento Toba Maskoy

¹⁷ Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.

Juan 21:17 Referans Kwoze

Juan 13:38

Ka apkatemmongka lhta mokhom Jesús, lhta aptak: —¿Have nlho niapa niekhe heletsepo ta lhemek lheiap, he? Sosekha ta amanie akmahai'a nkopaio' tape'e, 3 hata ngkotnek aplheianma mangheiekpelkema lheiap —lhta aptak Jesús.

Marcos 14:72

Ka akpaivomo lhnak mokhom tape'e m'a, aklheianvekho lhnak apvalhok Pedro aktemakha lhnak apaivoma Jesús ma'a: —Amanie akmahai'a ngkotnek hanet akpaivoma tape'e, hanetolhem'a ta ngkotnek aplheianma mangheiekpelkema lheiap —lhna ntemak aklheianvekho apvalhok Pedro m'a. Netamen, apvenemo lhnak ngkeskama nkek ma'a.

Juan 16:30

Mankaimelhkak angelelmalhnekho kakpota elpeivesekhak lheiap, apiavek lhamakho qaselha lheiap ka ngkanek mongeliaskamek lheiap apto Eniapom Neten apkapaskama —lhta aptangkok.

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

Hechos 15:8

Apkeliekpelkavek Eniapom Neten apvalho'ok aplhamakho enenlhet'avok, apkenmaiangkek na takha m'a metnangko nak judios ka nkeniemai'ak apkellaiangko nhan Espíritu Santo, nnavek na aktemakha nak hengellanei'o ennengko'o.

Juan 15:10

Eleliehekhok na askanemakha etnangkok kakpota elvetak enenlhet ma'a hellasekhai'o. Ka stonak ko'o askeliehekhek apkanemakha atnek Tata, apkelvetai'ak na enenlhet askasekhai'o ko'o Tata.

Juan 14:15

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

2 Pedro 3:1

Elialheng'a askellamelaiam, hanet astalhesekho ntak vakkahak anak asmahai'a aleltennasangkok kakpota nkolketamangkok apvalho'ok akto akpeivomo nke.

1 Pedro 1:6

Avanhek alpaiesekha apvalho'ok ketlhengkap ania'a nak, niekhe apkelvetai'a moklhem'a aknem aliepkonma, koka iakvatakho nkek ma'a.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

Hechos 1:24

Ka apkelelmalhneskeskamo lhnak na m'a, lhna aptaiangkok: —Apveske, apiekpelkemo lheiap lhamakho aktemakha atlheianma engvalho'ok ennengko'o, nengeltavek hengelvetaskesek lhema phapak hengke'e enenlhet anak apqanet. Sek la enenlhet apkeliekieskama lheiap ke

Juan 18:27

Koka aplhengke lhta mokhom Pedro meiekpelkema Jesús ma'a. Ka akpaivo lhta nhan tape'e m'a.

Juan 18:4

Neksa apkelvetai'a lhta Jesús apketlheiam ma'a, apkellanielhangko lhta m'a, apiave lhta nhan apkenmak'akha etnangkok, lhta aptak apkelelmalhnengka: —¿Se lha enenlhet apkelketamo ie, he? —lhta aptak ma'a.

Juan 12:8

Nheklhek hato ka mota ngkotnek metka apkelletsekama apieseksek anak ketlhengkap kakpota elpasmok na m'a, koka ngkovomok hato ka aknem akmaskema aspalhkaikama ketlhengkap —lhta aptak.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!

Juan 21:18

Asmak'ak altennaksek lheiap, apmeihe panke lhta aptemakha apketkok, emhangkok apmangkelha la'a, aptalhnekha apanke lhta nhan aptalhnema. Koka have niapak anke' astakha nak, hata apto ta apvaneiam lheiap, nkomaskok hata apiennaktema, elielhnesekhak hata apoktengok neten kakpota ngkolhek aktalhneskasakho aptalhnema, ngkolhek hata nhan akiantemo mankoleklemelha la apvalhok lheiap —lhta aptak.

Juan 4:16

Koka lhna lhta aptemak mokhom Jesús apkanemo m'a: —Koiantengvakha' atava.

Hechos 11:10

3 aktaiekho lhta ntak ma'a altakhengvekha neten, ka netamen aptaqho mokhom neten nengaqlammalhka.