Juan 21:16 - Nuevo Testamento Toba Maskoy

¹⁶ Apkenmalhnakhave lhta mokhom Jesús: —Simon Juan apketka ¿Heiasekhai'o nlho lheiap? —lhta aptak. —Hai' apveske, apiavek lheiap askasekhai'o —lhta aptak Pedro. Lhta aptak mokhom Jesús: —Eltaqmelkes hata helieplekama nak, malha nepkesek ehenko'ok —lhta aptak.

Juan 21:16 Referans Kwoze

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

1 Pedro 5:2

Asmak'ak allangkok lhema aspaioma, eltaqmelkes hata enenlhet'avok apkeltemo lhta Eniapom Neten ellanamaha, malha la nepkesek ma'a. Eltaqmelkes hata nhan anmahai'o nkek apvalho'ok, have m'a kno la aliatengko ellanhok qaselha, have nhan akno la akianmoma patakkom, etnamok koka alleklemo nkek apvalho'ok.

1 Pedro 2:25

Apkellomaka lhta ketlhengkap malha nepkesek apketlheneiam la'a, kolhva koka apkelelpengkammakpek akieto m'a apnakha apkelanekama nepkesek apto aptaqmelkeskama m'a.

Hebreos 13:20

Eniapom Neten apto aktaqmelaikama envalhok aniapom, apto lhta nhan aplhatekhaskeiam apieseksek apkenmaskengvaiakmo apveske engankok Jesucristo, apto aptaqmanma apkellanekama nepkesek, aniem'o ema apankok aiangko nhan ma'a akiennaktema annemo mo'ok anak apvalho'ok apkenmahai'akha ta etnangkok ma'a mangkotnengvaiam annelha.

Juan 18:25

Nheklhe lhtoka apno Pedro m'a nekha talha, ka akno lhta anmalhnengka m'a: —¿Lheiap anlho nhan apto lhema apkeltameskama enenlhet anak, he? —lhta aptak. —Ma, have ko'o m'a —lhta aptak mokhom Pedro.

Juan 18:17

Ka almalhnengka lhta Pedro m'a, lhta ntak: —¿Have nlho nhan lheiap apto lhema apkeltameskama Jesús, he? —lhta ntak. —Have —lhta aptak apkatemmongka Pedro m'a.

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

Apocalipsis 7:17

Eltaqmelkesek hata mota Nepkesek Apketkok akieto m'a aiseksek aptanema apveske, malha akto nak ma'a apkellanekama nak nepkesek apkeliantemekha akieto akteiapmakha iemmen hengaikamok akiennaktema ennenio'ok, Eniapom Neten hata nhan el·hatsoskasangkok aimen'ok apaqto'ok ma'a —lhta aptak heiano m'a.

Juan 21:17

Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.