Juan 21:15 - Nuevo Testamento Toba Maskoy

¹⁵ Netamen apkelpeneskama lhta aptaveikokha, lhta aptak Jesús apkenmalhnengka Pedro: —Simon, Juan apketka ¿Tep anke nlho heiasekhai'o lheiap melhnok apketlhelhma'ak anak, he? —lhta aptak. —Hai' apveske, apiavek lheiap askasekhai'o —lhta aptak apkatemmongka Pedro. Lhta aptak Jesús: —Eltaqmelkes hata nepkesek apketko'ok ehenko'ok —lhta aptak.

Juan 21:15 Referans Kwoze

Romanos 15:1

Nengelelto nak aliennaktema mongeliaskeiam Eniapom Neten mangkolatsema mota anteniangkok nenmak'akha la antangkok. Ntasek koka enmankok takha apkenmak'akha la nhan etnangkok nkoliennaktema nak meliaskeiam Eniapom Neten.

1 Juan 4:19

Nengellamelakmek ennengko'o Eniapom Neten ngkanek apmanie pankek hengellamelaiam ma'a.

1 Pedro 1:8

Melvetai'ok ketlhengkap Jesucristo, apkellasekhai'o koka m'a, mang na eliaskeiakmok nahan, avanhek ankek na alpaihekha apvalho'ok aliekangveiakmo

Efesios 6:24

Askeltavek na Eniapom Neten eltaqmelkeskesek akiavai'a nkek apkellaniemhaikama apkellelto nak apkellasekhai'o metka nnelha Apveske engankok Jesucristo. Amen.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.

Juan 16:27

Apkellamelakmek Eniapom ketlhengkap ngkanek hellasekhai'o na ketlhengkap, meliaskeiakmok na apto Eniapom Neten heiapaskama lhta.

1 Pedro 2:25

Apkellomaka lhta ketlhengkap malha nepkesek apketlheneiam la'a, kolhva koka apkelelpengkammakpek akieto m'a apnakha apkelanekama nepkesek apto aptaqmelkeskama m'a.

Hebreos 4:13

Lhamakho qaselha apkelentepkeskama lhta Eniapom Neten mankollavankek nkolielhanenkesek napaqtek ma'a, apvankek etak lhamakho qaselha iokhalhmek ankek, angetlhene mota angelleltennaksek na nentaiangkolha napaqtek ma'a.

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

Hebreos 13:20

Eniapom Neten apto aktaqmelaikama envalhok aniapom, apto lhta nhan aplhatekhaskeiam apieseksek apkenmaskengvaiakmo apveske engankok Jesucristo, apto aptaqmanma apkellanekama nepkesek, aniem'o ema apankok aiangko nhan ma'a akiennaktema annemo mo'ok anak apvalho'ok apkenmahai'akha ta etnangkok ma'a mangkotnengvaiam annelha.

Romanos 14:1

Enmamok hata takha engelialheng'a mankoliennaktema nak meliaskeiam mokhom, mellatemmongap apanko ie' aklhamakho aktemakha aptangkolha la'a.

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.

1 Pedro 2:2

Malha aptonak nematka nak kolhva apteiam la'a niaksek emahak neme, melles hata nhan enmahangkok ketlhengkap malha aptekamok aktaqmanma nke allaikamok la aliennaktema apvalho'ok kakpota nkovanamok meliaskeiam, ngkolhek na alvongkaso tep ma'a

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Juan 21:12

Netamen ma'a, lhta aptak apkellano Jesús: —Mokhetke hengke'e, etlheng eltavokha' —lhta aptak. Nkelennavengke lhta apkeltamesaikamok elelmalhnama sekla enenlhet ke', apkeliave lhta niekhe apto Apveske m'a.

Juan 21:7

Netamen apkeltameskama apkamelaianlha Jesús, lhta aptak apkano Pedro: —¡Apveske ha'e! —lhta aptak. Apleng'a lhta Simon Pedro m'a, kolhvavek anke lhta aptalhnakhak aptalhnema, apnelhtakho nhan nemmen.

Efesios 4:14

Nkomaskok ma'a nentangko malha nematka nak mankoliennaktema apvalho'ok kolhvavek anke nak akiaqmoiekha mo'ok alketamekama apvalho'ok. Kolhvavek ankek na eiaqmonkasangkok mo'ok nematlhekmoskama ngkolatsekama apketsokmo la enenlhet apkenmopvanka'a nak heniennengkesek, koka malha al·hanemmalhka m'a.

1 Corintios 8:11

Nkotvaksek hata m'a aniem'o apiangveiakmo nak lheiap ma'a. Mangkolatsema nkek ma'a ngkanek apkamelaiam Cristo enenlhet anak.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Marcos 14:29

Koka lhna aptemak Pedro apkanemo Jesús: —Nkaqhok elieniekhak lhamakho nak, ko'o koka moieniekhe lheiap —lhna aptemak Pedro.

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Juan 13:37

Apkenmalhnakhave lhta mokhom Pedro, lhta aptak: —Apveske, ¿se lha ntak melto nak aieplakhak kolhvave nak lheiap ke, he? ¡Ntase niekhe nhan ko'o angvetsepok lhemek lheiap! —lhta aptak.

Juan 1:42

Ka apiantemakho lhta Andres Simon apnakha Jesús ma'a, lhta aptak Jesús apkano Simon: —Lheiap anak Simon Juan apketka, koka kolhvave nak etnekhak hata apvesai'a Cefas, mo'ok nemaltema toka Pedro —lhta aptak Jesús.

Hechos 20:29

Asiave ko'o asketsepo ta elvak hata enenlhet hengke'e apkenmahai'a enaqtevaksek Jesucristo apkennemolhema, malha aktemo nak vavo akloma.