Juan 21:14 - Nuevo Testamento Toba Maskoy

¹⁴ Koka hengka hanetolhem'a lhta ntak aktaiekho apteiapvai'a napaqtavek apkeltamesaikamok Jesús netamen aplhatekhangveiam apieseksek apkenmaskengvaiakmo m'a.

Juan 21:14 Referans Kwoze

Juan 20:26

Netamen ocho knem alhta nieka'ak ma'a, apkaknakho lhta mokhom apkeltamesaikamok Jesús lhema konne pa'at, Tomas alhta nhan kolhva m'a, apkellapakhave lhta mokhom atong ma'a. Koka aptalhne lhta Jesús konne m'a apkenenvakme lhta apieseksek ma'a, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Juan 20:19

Pelhasep alhta aptak ma'a, apkaknakho lhta apkeltamesaikamok konne pa'at, apkellapakhave lhta atong ngkanek apkelemhama apmaniaie' judios alhta apkellak'ak ma'a. Mpelapkaske lhta aptalhnengvo'o Jesús ma'a, apkenengvakmo apieseksek apkaknakhelha, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Marcos 16:12

Netamen nak ma'a apvetaskesammakpo lhnak na Jesús apqanet apkeltamesaikamok neksa apketlhengama amai, moka aktema lhnoka ntemak napa'at ma'a.

Marcos 16:14

Netamen apvetaskesammakpo lhnak mokhom 11 apkeltamesaikamok ma'a, neksa aptaveikokha lhnak ma'a. Mang nak na enieskamak apatong Jesús apkelanei'o ngkanek apkeliaskeiakmek nak na apketlheianma apkeltemo lheme aptemakha apkelvetai'a aplhatekhangveiam ma'a, aniem'o nhan aliennaktema apvalho'ok.

Juan 21:1

Netamen alhta mokhom ma'a, apvetaskesakpo mokhom Jesús apkeltamesaikamok akieto nekha alvata Tiberias, aleltennasama ta nhan ania'a aktemakha lhta akvetammalhka m'a.

Hechos 1:3

Apketsepmek nak Jesús ma'a koka netamen aplhatekhangveiakmo lhnak mokhom ma'a, 40 knem nak ngvaiakmok apkaniemhaikama mokhom apieseksek apkelapaskamo apanko'ok ma'a. Apkeleltennaseiangka lhna mota aktemakha aptema apveske Eniapom Neten, apkellanei'o nhan nkeskama qaselha kakpota elvetaskesangkok akto have niapak anke aplhatekhangveiakmo mokhom apieseksek apkenmaskengvaiakmo.