Juan 19:19 - Nuevo Testamento Toba Maskoy

^19-20 Apkeltave lhta Pilato ngkolhek alkaso lhema iamet akpaihema alkasemmalhka neten iamet aktenneskama akieto takhaplhet Jesús. Hanetolhem'a aktemakha nempaivoma, hebreo, latin, kakpota nhan griego, lhta ntak heng: Jesús ko Nazaret apiav'akha apveske apanko'ok judios, lhta ntemak aktalhesammalhka m'a. Ma lhta ntek enenlhet judios apkelietsatengke lhta nhan alqama m'a neksa apketlhengama m'a ngkanek nengaqte lhta apiav'akha temma.

Juan 19:19 Referans Kwoze

Lucas 23:38

Nietnengkek nak na aktalhesammalhka takhaplhet Jesús iamet akpaihema, lhna ntemak: —Ka apiav'akha apveske apanko'ok judios hengke'e —lhna ntemak aktalhesammalhka m'a.

Marcos 15:26

Ka apkeliaqhapkeskamo lhnak na takhaplhet lhema iamet akpaihema aktalhesammalhka, lhna ntemak akpaivoma: "Judios apiav'akha apveske apanko'ok hengke'e", lhna ntemak aktalhesammalhka.

Juan 19:14

Malha lhta nha ntak katelho m'a, lhema aknem alhta nhan nkaimelhkak akvaianlha Pascua, lhta aptak apkellano judios: —¡Ka apiav'akha apveske apanko'ok anak ketlhengkap hengke'e! —lhta aptak.

Hechos 3:6

Koka lhna aptemak Pedro apkanemo: —Mamma ko'o patakkom kanhan oro, vanlha koka asmak'ak atnek angvana akieplomo apvesai'a Jesucristo ko Nazaret: ¡Etnemekha neten, elheng ma'a! —lhna aptemak Pedro.

Juan 19:21

Neksa apeneskama lhta aptalheskama Pilato iamet nekha akpaihema, lhta aptangkok apkelemhama apmaniaie sacerdotes: —Metalhes lheiap apiav'akha apveske apanko'ok judios, koka elkes apkeltammakpo apankek lhek apveske apiav'akha judios —lhta aptangkok.

Juan 19:12

Netamen apkeliaikama lhna lhta Pilato kakpota epaqnemekhak Jesús ma'a, koka niangvakmek alhta apkeliaskama apatno'ok enenlhet'avok ma'a, lhta aptangkok: —Ka apaknemakho la lheiap ham, eniammelhekhak kelhaha apiav'akha apveske Roma, ngkanek Jesús elekkasekhak hata aptema apiav'akha apveske m'a kakpota eniammelhekhak ma'a —lhta aptangkok.

Juan 19:3

ka apkelvannaiangka lhna lhta nhan ma'a, lhna lhta aptaiangkok: —¡Aptasek noka niekhe apiav'akha apveske apanko'ok judios! —lhna lhta aptaiangkok. Apkeltekpoiangka lhna lhta nhan apmalhempenek ma'a.

Juan 18:33

Ka aptalhnakho lhta mokhom Pilato av'alhok pa'at, apkavengka lhta Jesús ma'a, lhna aptemak: —¿Lheiap anlho niekhe apiav'akha apveske judios apanko'ok, he? —lhna lhta aptemak Pilato.

Juan 1:49

Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

Hechos 26:9

Lhennenga alhta nlheianmek evalhok lhamakho aktemakha asmak'akha atnehek anaktevaksek apkellelto meliaskeiam Jesús ko Nazaret.

Lucas 18:37

—Apiekak Jesús ko Nazaret hengke'e —lhna aptaiangkok enenlhet apkellatemmoiangka m'a.