Juan 18:4 - Nuevo Testamento Toba Maskoy

⁴ Neksa apkelvetai'a lhta Jesús apketlheiam ma'a, apkellanielhangko lhta m'a, apiave lhta nhan apkenmak'akha etnangkok, lhta aptak apkelelmalhnengka: —¿Se lha enenlhet apkelketamo ie, he? —lhta aptak ma'a.

Juan 18:4 Referans Kwoze

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 18:7

Ka apkelelmalhnengka lhta mokhom Jesús, lhta aptak: —¿Se lha enenlhet apkelketamo ie, he? —Jesús ko Nazaret —lhta aptangkok mokhom apkellatemmongka m'a.

Hechos 2:28

Heteskaskek amai akmaikamok ma'a metka aktemongvaianlha nnelha nenganiemhaikama, avanhe mota akpaihekha evalhok aniem'o astaikama alhelhma lheiap», lhnak aptemak ma'a.

Juan 19:28

Apiave lhta Jesús apeneskama lhamakho aktemakha apmakmekama, lhta aptak: —Knem heiaqhak —lhta aptak ma'a. Koka ngvai'ak ma'a aktemakha lhnak nanek aklheianma Eniapom Neten apaivoma aktalhesammalhka.

Juan 13:11

Apiave lhta Jesús enenlhet apselhnanongkoma ta, lhta ngkanek etnek apaivoma have aplhamakho apkenmopei'o.

Juan 6:64

koka moklhem'a ketlhengkap apkeliaskakmek mokhom —lhta aptak Jesús ma'a. Apiave lhta Jesús apkellelto apkeliaskeiam ma'a, apiave lhta nhan enenlhet etnek hata apselhnanongkoma, ka nkeniemai'ak aplheianmo m'a qaselha nak.

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

1 Pedro 4:1

Aplengaiangke lhta nhan Cristo neksa apkaniemhaikama hengke'e nalhepop anak, ntasek na enmankok takha ketlhengkap ma'a akvo'o la apkellengaiangko akientalhnema. Enenlhet apto la apmopvana evaskapok neksa akvai'a la akientalhnema, apmopvana nhan etneskasentak koneng ngkollatsekama nak

Juan 18:5

—Jesús ko Nazaret nelketamak —lhta aptangkok apkellatemmongka. —Ko'o m'a —lhta aptak Jesús.