Juan 18:20 - Nuevo Testamento Toba Maskoy

^20-21 Ka apkatemmongka lhta Jesús ma'a, lhta aptak: —Se lha ntak helmalhnengka nak, elelmalhnengvakha koka enenlhet'avok apkaqnekhelha na mota, kakpota nhan Eniapom Neten apnemakha nak. Koka apkeliavek ma'a se lha asketlhekmoskama ie, have asielhammalhko asketlhekmoskama nak, napaqtavek koka astemak ma'a —lhta aptak Jesús.

Juan 18:20 Referans Kwoze

Juan 7:26

Ka ha'e, apkelpaqmetkesangka nak enenlhet, manak kelha emammakpok —lhta aptangkok enenlhet. Lhta aptak na po'ok: —Kolhva kelha meliaskeiakmok apkelemhama apmaniaie enganko'ok anak apto Cristo ha'e enenlhet anak —lhta aptangkok.

Lucas 21:37

Apketlhekmoskangkek na mota aknem anke Jesús ma'a akieto Eniapom Neten apnemakha, pelhasep noka apmaiangkok akieto metaimong akhaiam Olivos.

Juan 7:4

Apkelto la nhan eiekpelkakpok lheiap, have ekpoksek apkelanai'a qaselha hempelapkeskama, napaqtavek koka etne m'a —lhta aptangkok.

Lucas 4:15

Apketlhekmoskamo lhna mota aklhamakho apkaqnekhelha mota judios ma'a, lhamakho enenlhet'avok nak apkeltemeskeskama akiavai'a apvesai'a Jesús ma'a.

Juan 8:26

Mantek askeltemo niekhe aleltennaksek aktemakha aptaiangkolha ngkollatsekama ketlhengkap, mang koka nkomahai'ak aleltennaksek. Koka lhamakho aktemakha askeleltennaskama nak aniem'o aslengai'a heltennaskama apto lhta heiapaskama, apto have niapak aplheianma m'a —lhta aptak Jesús.

Juan 8:2

Lhema aknem alhta ntak akiekai'a m'a, atsak'o lhtoka mokhom akmopeiam konne', apvaktamo mokhom Jesús Eniapom Neten apnemakha. Apkelteteskaktamo lhta nhan enenlhet apentalhnema apnakha m'a, ka apno lhta Jesús ma'a, apketlhekmoso nhan.

Juan 7:28

Apleng'a lhtoka Jesús neksa apketlhekmoskama lhta konne Eniapom Neten apnemakha, lhta aptak apiennakteso apaivoma: —Apketlhengke niekhe ketlhengkap apkeliamo se lha ko'o ie, kakpota nhan ko la askeniem'akha m'a, meliehek koka. Have asvai'a ehenko ie', heiapaskama m'a apto apiamolhma, ketlhengkap koka meliekpelkak ma'a.

Juan 7:14

Netamen, nalhet aktaqmelaikama lhma lhta ngvakmok ma'a, aptalhnengvakho nhan Jesús Eniapom Neten apnemakha, ka apkempo lhta apketlhekmoskama m'a.

Hechos 26:26

Apiavek na apiav'akha apveske nak Agripa aktemakha na mota ania'a alheianma, apkeliavek na aplhamakho enenlhet'avok ka ngkanek alheno nak metka aktaikama evalhok napaqtek Agripa.

Marcos 8:32

Iokhalhmek ankek na ntemak aktemakha apaivoma m'a, ka apiantamo lhnak Pedro Jesús aplhepkennenga tep atketse, apkeltemo elaneskasekho akietnaikama apaqtek ma'a.

Juan 6:59

Koka lhamakho apketlhekmoskama nak Jesús, lhta nietok ma'a konne apkaqnekhelha judios na temma Capernaum.