Juan 17:25 - Nuevo Testamento Toba Maskoy

²⁵ Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 17:25 Referans Kwoze

Juan 17:11

Eniapom Apokkenammap memangveiam ngkolatsekama, molhek hata mokhom hengke'e nalhepop anak, aniantak hata ham apnakha nak lheiap. Koka eniakhangkokhak hata hengke'e helieplekama nak, askeltavek enmeivok akieplomo apmopvana nak lheiap kakpota nheklhe ngkotnek apkelpasmommakpo, ka kto nak ennengko'o.

Juan 15:21

Nkotnek hata akvai'a m'a nema akmenlhenaikama nak ko'o songkek askeltamesaikamok ketlhengkap, enenlhet meliamolhma nak ma'a meliekpelkak apto heiapaskama ko'o.

Juan 7:29

Vanlha koka ko'o asiekpelkemo m'a ngkanek askeniem'o nhan ko m'a, heiapaskama nhan ma'a —lhta aptak Jesús apkellano enenlhet'avok ma'a.

Juan 16:27

Apkellamelakmek Eniapom ketlhengkap ngkanek hellasekhai'o na ketlhengkap, meliaskeiakmok na apto Eniapom Neten heiapaskama lhta.

Hebreos 8:11

Meniaimakpek hata enenlhet la apketlhekmoskama apaivoma lhema apanke nlho ka la nhan apnemolhema apanke aktemakha asvesai'a nak ko'o, ngkanek eliangvomhok hata asvesai'a aplhamakho pankek, akvakho apketkeietse panke kanhan akvakho metno apketkok.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

Juan 8:55

koka meliohok mokhom ketlhengkap ma'a, ko'o koka asiavoie', askeliehekho nhan ma'a. Alheno la moiekpelkemo Tata, atnek hata asmopvana ania'a ehenke, ka apkellelto nak ketlhengkap.

Lucas 10:22

Netamen nak ma'a lhna aptemak apkellanemo Jesús aplhamakho enenlhet'avok ma'a: —Hellaiangkek lhamakho qaselha ko'o Tata, mamma enenlhet apiekpelkemo Apketka nak, vanlha koka Eniapom apiekpelkemo m'a. Mamma nhan enenlhet apiekpelkemo Eniapom anak ma'a, vanlha koka apto Apketka apankek apto apiekpelkemo m'a kanhan apkeliekpelkemo m'a apkellelto la enenlhet'avok apkeliekieskama Apketka —lhna aptemak Jesús.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

1 Juan 1:9

Koka netlheno la engankek nellanekamok qaselha ngkollatsekama napaqtek Eniapom Neten, have niapak anke hata nhan etneskesama apankek ngkollatsekama nak ma'a, hengellalhnaskesek hata nhan engelvalho'ok malha alpaiseiam aniem'o nellanekamok ngkollatsekama m'a. Hai', etnek hata m'a aniem'o apieplavkeskama mota apaivoma m'a, apeivomo nhan.

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

1 Corintios 15:34

Enmekho mokhom altaqmanma aklhenaikama apvalho'ok, elieniekha koka nhan qaselha ngkolatsekama nak. Apkakhaiangkek nak na enenlhet'avok apieseksek anak ketlhengkap melioho' nak mokhom Eniapom Neten, ketlhengkap nkelleniemai'ak ma'a, enmankangvom koka.

1 Corintios 1:21

Mankollapvankek enenlhet'avok eliekpelkok Eniapom Neten aniem'o apanko'ok apankave nak apkeliangveiakmo, koka apiangveiakmo nak Eniapom Neten nkeltavek nkolvongkesek tep aniem'o nhan ania'a apanko nak, apkeleltaiangko nak enenlhet'avok taikama nkek ma'a.

Romanos 3:26

Apketsepke lhta Cristo Jesús kakpota esavhok apieplavkeskama henganemakha aklheianma, apkelvetaskaske lhta nhan apto apeivomo Eniapom Neten ma'a, apkelvetaskaske lhta nhan Eniapom Neten apto apkeltemeskeskama apkelpeivomo apkellelto la meliaskeiam Jesús.

Romanos 3:11

mamma nhan enenlhet apto la nema apiamo. Mamma nhan apteniai'a la Eniapom Neten,

Romanos 1:28

Mankonmahai'ak enmok takha Eniapom Neten, ka ngkanek etlhekhak kakpota elieplavkesek apankavek ngkollatsekama alketansema apvalho'ok, ellanangkok ngkollatsekama.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Juan 17:18

Askellapaskek ko'o apkakhangkelha la enenlhet kakpota etlhenek apvesai'a lheiap ma'a, ka aptemakha nak lheiap heiapaskamo nak hengke'e.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 16:30

Mankaimelhkak angelelmalhnekho kakpota elpeivesekhak lheiap, apiavek lhamakho qaselha lheiap ka ngkanek mongeliaskamek lheiap apto Eniapom Neten apkapaskama —lhta aptangkok.

Juan 16:3

Koka nkeniemai'ak mangheliekpelkemak ko'o m'a kakpota nhan Eniapom enenlhet meliamolhma nak ma'a.

Juan 8:19

Netamen alhta aptangkok apkelelmalhnengka m'a: —¿Ko la apnakha Apiapom lheiap ma'a, he? Ka apkatemmongka lhta Jesús ma'a, lhta aptak: —Mangheliekpelkak ketlhengkap ko'o, man na eliekpelkak ko'o Tata, koka heliekpelko la'a, apkeliekpelkek na ko'o Tata —lhta aptak Jesús.

Juan 6:19

Apkelvakme lhta malha 5 nlho ka la 6 kilometros apketlhengama loma nemmen, ka akpelapkeso lhta apkelvetai'a Jesús aplheiam takhalhet iemmen, apkellak'a lhta nhan ma'a.

Juan 3:17

Apkapaskek Apketka Eniapom Neten hengke'e nalhepop anak kakpota elvongkesek tep enenlhet'avok, have apmahai'a etlhenek apketselhnanemmap ma'a.

Apocalipsis 16:5

Netamen asleng'o lhta nhan apkeliatekama ángel alhta m'a nemmen, lhta aptak: —Apveske, lheiap apto apeivomo panke, apto apnema kolhvave nak, apto nhan apnema lhnak nanek tep nak nanek, apto nhan Apokkenammap apanke memangveiam ngkolatsekama. Apkeliekpelkek lheiap