Juan 17:12 - Nuevo Testamento Toba Maskoy

¹² Neksa asnema hengke'e apieseksek anak, askenmeiavkek mota akieplomo asiennaktema lheiap alhta heiaikamok. Mamma lhema aplheneiam la'a, vanlha koka apto atka henlhenengkeskama, ka aktemo nak nema alientemongkeskamo aklhenammalhka Eniapom Neten apaivoma.

Juan 17:12 Referans Kwoze

Juan 18:9

Ngvakme lhta aptemo lhta apaivoma Jesús, lhta aptemak: —Eniapom, mamma lhema aplheneiam apkellelto lhta hellaikamok lheiap —lhta aptak ma'a.

Juan 13:18

Ka astakha lhkek askellano ketlhengkap have koka aplhamakho m'a, asiavek na apkellelto la askeliekieskama, nkovak hata aknem aktemakha nak aklheianma aktalhesammalhka Eniapom Neten apaivoma, ka ntemak ma'a: «Lhema apto astoma lhemoie', aptakhek heiammelhaikama m'a» ka ntemak ma'a.

Juan 6:37

Lhamakho apkellelto lhta Eniapom hellaikamok apkeltemo altakmelkesek, helioktanie lhta ko'o, moltaqhesehek hata nhan ma'a.

1 Juan 2:19

Apkakhangkek nenieseksa ennengko'o m'a apkellammelhmakha nak, koka hengelieniekhek lhta nhan ngkanek have netlhelhma'ak engankavek ma'a. Lhta kto la netlhelhma'ak engankavek ma'a, manghengelieniekhe lhta nhan ma'a, nelvetai'a koka iokhalhmek ankek have aplhamakho netlhelhma'ak ma'a.

Hechos 1:25

kakpota etneskesek apkapasammap apiaqmongkeskama Judas alhta apieniekha, apmaiangko m'a akietemelha emhangkok aniem'o meihamolhma' m'a —lhna aptaiangkok apkelelmalhnongkoma m'a.

2 Tesalonicenses 2:3

Koka mellanko nkek eliennengkeskak ma'a, amanie apvekta ta Apveske elvak hata apkellammelhma Eniapom Neten kakpota ellammelhek ma'a, eiephongvak hata enenlhet meihamolhma nkolhek hata aktevaso m'a.

Hebreos 2:13

Ka ntemak na mokhom aktalhesammalhka Eniapom Neten apaivoma hengke'e: «Mangiaskamek hata ha'e». Kanha ntemak mo'ok aktalhesammalhka: «Asnek ko'o hengke'e asketlhelhma'ak eietkak Eniapom Neten hellaikamok», ntemak ma'a.

Juan 17:6

Askeleltennaskek ko'o apvesai'a lheiap apkellelto hellaikamok alhta kakpota altakmelkeskesek. Lheiap enenlhet apanko'ok, apkelleliahakhavek apaivoma lheiap na m'a.

Filipenses 2:9

Ka nkeniemai'ak etneskesek Eniapom Neten neten apankek ma'a, apteniaskeskamo nhan apvesai'a neten ankek apiaspommap ma'a apieseksek aplhamakho enenlhet'avok,

Apocalipsis 19:12

Nkelapommatke lhta apaqto'ok malha lhta nta kto nak talha. Nlhanie lhta nhan apnaktetema apqatek, nietne lhta nhan aktalhesammalhka apvesai'a apanke monioho mokhom ma'a, vanlha lhtoka apiavek ma'a.