Juan 17:10 - Nuevo Testamento Toba Maskoy

¹⁰ Aplhamakho apkellelto lhta hellaikamok apkeleltemo altakmelkeskesek, enenlhet apanko'ok lheiap ma'a, apkelvetaskaskek asientalhnemo apieseksek enenlhet'avok hengke'e nalhepop anak.

Juan 17:10 Referans Kwoze

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

2 Tesalonicenses 1:10

Nkotalhkak hata m'a apvaktamo ta Apveske kakpota ellahok ma'a, nkoliemaksek hata nhan apvalho'ok apkelpokkanma apkeliekieskama lhta, apkellelto nhan meliaskeiam ma'a. Hai, ketlhengkap nahan apkellelto napokha apkennemolhema Apveske ngkanek meliaskeiam alhta nenlheianma mota apvesai'a m'a.

Colosenses 2:9

Ka apiokha nak Cristo apnek ma'a Eniapom Neten apiokho panke nak,

2 Tesalonicenses 1:12

Netamen elvetak hata aplhamakho enenlhet'avok ma'a, eliavenkaskesama ta nhan Apvesai'a apveske engankok Jesús kanhan apkelvesai'a ketlhengkap. Ka lhamakho qaselha nak ma'a ngkotnek hata akvetammalhka aniem'o aktaqmanma nkek apkellanei'o Eniapom Neten kanhan Apveske Jesucristo.

Filipenses 1:20

Hai', nkel·halhnema evalhok manghenmangkaksek hata enenlhet'avok, have niapak ankek, elvetak hata aplhamakho akietnema asmopvana aniem'o Cristo, niekhe astema ehalhnankok mokhom nlho ka la angvetsepok hatelhaha.

Hechos 19:17

Aplhaniek nak judios kakpota nhan griegos ko Efeso apkelvetai'o m'a, apkellai'ak nak na m'a. Niaveiangkek nak aktema neten ankek apvesai'a Apveske Jesús ma'a.

Juan 11:4

Ka apkatemmongka lhta Jesús ma'a, lhta aptak: —Koka akmaska eniempek anak have akmahai'a nkaqhek ma'a, elvetak hata enenlhet'avok Eniapom Neten apmopvana, kakpota nhan apmopvana Apketka —lhta aptak.

Juan 5:23

Kakpota ellahok aplhamakho enenlhet Apketka, nnavek na ellahok Eniapom. Mang hata nkek ellahok na Apketka nak, mang na ellak'ok Eniapom apto lhta apkapaskama Apketka.

Galatas 1:24

Apkeliavenkaskesama nhan apvesai'a Eniapom Neten ma'a aniem'o apiaqmongkasekha astemakha lhennenga.

Juan 12:23

Ka apkatemmongka lhta Jesús, lhta aptak: —Kolhva ngvakmok aknem Enenlhet Apketka nak ngkolhek hata aktemeskeso neten apanke'.