Juan 16:32 - Nuevo Testamento Toba Maskoy

³² Have niapak ankek ngva'ak kolhvave nak enieniangkok hata ketlhengkap. Enielhpaqnekha ta nhan, helieniekhak hata elhepkennenga. Koka molhek hata elhepke, Eniapom hato ka alhelhma m'a.

Juan 16:32 Referans Kwoze

Juan 8:29

Vanlha ko mota alhelhma Eniapom apto lhta heiapaskama ngkanek askelan'ak ko qaselha akleklemelha la apvalhok ma'a —lhta aptak Jesús ma'a.

Juan 8:16

Koka asmak'o la atnek ma'a, atnek akietemo nkek alheianma aktemakha apkelanai'a ngkolatsekama nlho ka la aktaqmanma ngkanek heiaikamok asmopvana aliekpelkok ma'a Eniapom apto lhta heiapaskama.

Marcos 14:27

lhna aptemak Jesús apkellanemo: —Helieniekhak hata aplhamakho ketlhengkap, ka aktemo nak aktalhesammalhka vakkahak Eniapom Neten apaivoma m'a, lhna ntemak: «Aiensaksek hata apkellanekama nepkesek, netamen enielhpaknek hata apnaqtoskama m'a», ka ntemak ma'a.

Juan 20:10

Netamen ma'a, apkeltaqhakho lhta apkeltamesaikamok apkakhaiangkolha m'a.

Juan 16:25

Asietkaske ko'o mota aptemakha Eniapom, koka nkotnengvomok hata alhnakho nkek asketlhekmoskama nak, molhenek hata mokhom asietkeskama la'a.

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

Juan 4:23

Eniapom Neten apto malha eniempehek, ngva'ak aknem kolhvave nak akto have niapak ankek aktemakha apkellasennaikama Eniapom. Nkoltemeskesek hata iokhalhmek ankek apkellasennaikama m'a aniem'o Espíritu apankok ma'a, ka apkeltemak etnangkok Eniapom ma'a —lhna aptemak Jesús.

Juan 4:21

Ka apkatemmoiangka lhna lhta Jesús ma'a: —Nkanketakmek aknem menmeiakhek hata metaimong akhaiam anak kanhan Jerusalen apkenmahai'a ellasennama Eniapom, have niapak ankek astakha nak.

Juan 12:23

Ka apkatemmongka lhta Jesús, lhta aptak: —Kolhva ngvakmok aknem Enenlhet Apketka nak ngkolhek hata aktemeskeso neten apanke'.

Juan 5:28

Molpelapkesangkek apkellengai'a astakha nak alheianma, nkovak hata aknem apkellenganveiam apaivoma Eniapom Neten Apketka apkellelto apnangkongvaiam ma'a nemakha aknengkanveianlha enghapak,

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Marcos 14:50

Ka apkeniaiangko lhnak lhamakho apkeltamesaikamok ma'a, apkelieniekhek nak Jesús.

Hechos 8:1

Apnengkek nak ma'a Saulo apkennapmo enenlhet Esteban, nietemavek nak na aktemakha aklheianma apvalhok ma'a. Koka aknem nak ma'a ampai'o lhnak nema akmenlhenaikama iglesia akieto Jerusalen, apkelhpanmek nak aplhamakho apkenmaiangko lhnak mok iokhalhma Judea kakpota nhan Samaria, koka nema allapaskamo mang nak enieniaiangkok ma'a.

Juan 16:31

Koka lhta aptak mokhom Jesús apkellano: —¿Meliaskame nlho niekhe, he?

Juan 19:27

Netamen alhta aptak na mokhom apkano apkeltameskama m'a: —Lheiap hata etnekha ngken ham —lhta aptak. Netamen ma'a, apiantemakho lhta apnemakha m'a.

Hechos 21:6

Nelpaivesalhko lhta m'a, nelkananto loma nemmen, apkeltaqhakho lhta nhan enenlhet'avok ma'a.