Juan 16:28 - Nuevo Testamento Toba Maskoy

²⁸ Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 16:28 Referans Kwoze

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 8:14

Ka apkatemmongka lhta Jesús, lhta aptak: —Hai', iokhalhmek alhenalhko nak ehenke ngkanek asiavek ko'o askempai'akha', asiavek na asmeiakhelha ta, meliehek koka ketlhengkap.

Juan 16:5

Kolhva koka ataqhok hata mokhom apnakha apto heiapaskama, ma nak helelmalhnema ketlhengkap asmak'akha amhangkok,

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 16:16

Ketse nkaimelhkak manghelvetekhek hata ketlhengkap, koka alhaiek hata helvetekhak mokhom —lhta aptak apkellano Jesús apkeltamesaikamok.

Juan 14:28

Apkelleng'a lhta alheianma ko'o asmahai'a alhong, koka avatamok hata mokhom hengke'e. Nkellaioseskaske lhta apvalho'ok ketlhengkap astakha lhta sekhek askellano, koka hellasekho la'a, nkolpaihekha nlho lhta apvalho'ok alheno lhta aniakhak apnakha Eniapom aknema nak apmopvana, molhnok ko'o.

Lucas 24:51

Neksa apkeltaqmelkeskeskama apkellangiemhaikama, apkaklheiangko lhnak tep atketsek Jesús ma'a, ka aknemo lhnak akiasekho neten.

Juan 17:13

Eniapom, aniakhak hata apnakha nak lheiap, neksa asnema apieseksek anak hengke'e nalhepop anak alhenke mota lhamakho aktemakha qaselha kakpota nkolpaihekhak apvalho'ok akiavai'a nkek helieplekama nak, ka akto nak na ko'o akpaihekha mota evalhok.

Juan 17:11

Eniapom Apokkenammap memangveiam ngkolatsekama, molhek hata mokhom hengke'e nalhepop anak, aniantak hata ham apnakha nak lheiap. Koka eniakhangkokhak hata hengke'e helieplekama nak, askeltavek enmeivok akieplomo apmopvana nak lheiap kakpota nheklhe ngkotnek apkelpasmommakpo, ka kto nak ennengko'o.

Lucas 9:51

Ketsek nak nkaimommalhka aknem apmeiekhelha' neten Jesús ma'a, apmeiekhek noka apankek ma'a Jerusalen metka apkai'a.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Juan 16:10

Ko'o koka asto aspeivomo panke ngkanek aniakhak hata apnakha Eniapom, manghelvetekhek hata mokhom ketlhengkap.

Juan 16:30

Mankaimelhkak angelelmalhnekho kakpota elpeivesekhak lheiap, apiavek lhamakho qaselha lheiap ka ngkanek mongeliaskamek lheiap apto Eniapom Neten apkapaskama —lhta aptangkok.