Juan 16:11 - Nuevo Testamento Toba Maskoy

¹¹ Aktemo nak aveske lhmankek ham, nnek akiekpelko aktemakha m'a, nlhenalhkek na akto akselhnanemmalhka m'a.

Juan 16:11 Referans Kwoze

Juan 12:31

Ngvakmek aknem lhmanke nak ham nkoiekpelkalhkak hata ngkollatsekama kanhan aktaqmanma nak. Ngkolhek hata nhan aktepkeso aktemo nak aveske lhmankek ham.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Colosenses 2:15

Apkel·hatsoskeskekho nhan anmovanka'a kanhan alientalhnemo kasekapo' av'alho'ok, akietnema nhan alientalhnemo, aptemeskesekho nhan koneng ankavek napaqtavek enenlhet'avok aniem'o nhan ma'a Cristo, apkeiveseikokho nhan atlhengama napaqtavek enenlhet malha anmammalhka la'a.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

Juan 14:30

Ketse nkaimelhkak aknem akmaskemakha askelpaqmetkeskama ketlhengkap, ngkanek nkanketva'ak aveske lhma nkek ham, koka mamma akmovana hetneskasentak koneng ma'a.

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.

Hebreos 9:27

Lhema apketsepma enenlhet la'a, netamen nkovak hata nema akiekpelkema ngkollatsekama apkelanai'a, nlho ka la aktaqmanma.

Hebreos 6:2

Mankaimelhkak ketlhengkap ma'a ngkolhek altaqhengveskeskakho nema atlhekmosekamo lhta ampakhasekha nke lhta aktemakha m'a nema henlavkeskama nak konne iemmen ankok, aktemakha nak apkakhesekamok apmeio'ok apietsekso'ok apkellelto Jesucristo apkennemolhema, aktemakha nhan nema apnaqlhatekhaskeiam apkenmaskengvaiakmo, aktemakha nhan nema ta aliekpelkemo emanie nak.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

Hechos 10:42

Netamen hengellapaskamo ennengko'o angeleltennaksek ania'a Eniapom Neten aptemeskeskamo Jesús hengiekpelkemo niapom apkellelto aphalhnanko'ok kakpota nhan apkenmaskengvaiakmo.

Lucas 10:18

Lhnak aptemak Jesús apkellatemmoiangka: —Hai, asvet'ak lhek Satanas akteiakmo neten malha apkelienmoma lhke ntak ma'a.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

Romanos 2:16

akvo'o ta aknem Cristo Jesús hata etnek hengeliekpelkemo m'a qaselha alielhammalhko nak engelvalho'ok nenlhamakho aptemakha nellanekamok. Hai', hata ngkotnek ma'a astemakha na mota asketlhekmoskama ania'a aktaqmanma nak.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Hechos 24:25

Apkeleltennaseiangka lhna lhta nentemakha antek nempeivomo, aktemakha nhan metka nellanai'a nenmak'akha antehek, ka aplheno nhan nkovak hata aknem apkeliekpelkemo Eniapom Neten apkeltemakha enenlhet'avok lhmankek ham. Ka aknelhtengkeskamo lhna lhta neten apvalhok Felix neksa aplengai'a m'a, lhna lhta aptemak apkanemo Pablo: —Vanlha, mo'ok aknem hata angvavama mokhom lheiap kakpota apaqmetkeskata —lhna lhta aptemak Felix.

Juan 16:12

Nlhanie niekhe ania'a asmahai'a aleltennaksek mokhom, koka mankollapvankek kelha elvaskapok aniem'o akientalhnema.