Juan 15:27 - Nuevo Testamento Toba Maskoy

²⁷ Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Juan 15:27 Referans Kwoze

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

Juan 21:24

Ka apkeltameskama nak aptalheskama nhan lhamakho aktemakha ania'a nak, neliavek ennengko'o akto have niapak ankek ma'a.

Lucas 24:48

Koka eleltennes hata lhamakho qaselha aktakha nak apkelvetai'a ketlhengkap,

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

Hechos 4:20

Mongellapvankek ennengko'o angelvanma angetlhenek lhamakho aktakha alhta nenlengai'a kakpota nhan nelvetai'a —lhna aptemak Pedro.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 1:2

Netamen ma'a Juan aplhenekho mokhom aptemakha apaivoma Eniapom Neten kanhan Jesucristo, aplhenekho nhan ma'a aklhamakho qaselha apvetai'a m'a.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Hechos 13:31

Nlhamakmek nak na knem apvetaskesammakpo lhnak na napaqtavek apkellelto apketlhelhma'ak apkenmeiekho apkelempai'o Galilea akvakho Jerusalen, koka kolhvave nak ma'a apkelpaieskek ania'a aktemakha aplhenammap Jesús napaqtavek enenlhet'avok.

Hechos 4:33

Koka nema allapaskama apkenmopvanka lhnak apketlhekmosekamok aktemakha aplhatekhangveiam alhta Apveske Jesús apieseksek apkenmaskengvaiakmo. Avanhek ankek nak na apkeltakmelkeskeskama apkellaniemhaikama Eniapom Neten ma'a.

Juan 19:35

Apto lhta apvetai'a m'a aktemakha akvetammalhka m'a have niapak ankek na aptemak aplheianma, metka apmopvana ania'a, aplheianmak ma'a kakpota nhan meliaskamek ketlhengkap.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Marcos 1:1

Asmak'ak altennama aktemakha ampai'akhasekha nkek nak ania'a aktaqmanma aplhenammap Jesucristo, apto nhan Eniapom Neten Apketka.