Juan 15:18 - Nuevo Testamento Toba Maskoy

¹⁸ —Eltakneva ta enenlhet apkellanekamo mota ngkolatsekama ketlhengkap, nkotlheianvakho toka apvalho'ok emanie lhta heltaqnongkoma ko'o m'a.

Juan 15:18 Referans Kwoze

1 Juan 3:13

Ketlhengkap elialheng'a, hata nhan eltaknevak ma'a enenlhet'avok lhmankek ham, koka molpelapkesangkek ketlhengkap ma'a akvo'o la apkeltaknommap.

Juan 7:7

Meltaqnevak apkelemhama apmaniaie ketlhengkap hengke'e, ko'o koka heltaknevakke ngkanek asketlhengkaske mota apkeltemakha ngkolatsekama m'a.

Juan 3:20

Lhamakho apkellelto nak apkellanekamok ngkollatsekama, apkeltaknevakkek apommatma nak. Melteteska'ak na atsai'o lhma kakpota melvetakpek neksa apkellanekamok qaselha ngkollatsekama m'a.

Marcos 13:13

Eltaknevakpok hata ketlhengkap ngkanek ko'o askeltamesaikamok, koka ngkolhek hata alvongkaso tep apkellelto nak melvatesaikamok akvakmo ta aktakha nnelha aknem lhmankek ham.

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

1 Juan 3:1

Avanhek ankek hengamelaiam Eniapom, ka nkeniemai'ak hengeltemeskeskama nelvesai'a Eniapom Neten apketkak ma'a. Manghengeliekpelkak ma'a apkellelto nak apkellanekamok ngkollatsekama ngkanek meliekpelkak na Eniapom Neten.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.

Juan 16:1

—Askelientemongkasavek lhek askeleltennaskama ketlhengkap akvo'o ta akientalhnema apkellangiemhaikama kakpota m'a melvatesankek aptaikamok mangheliaskeiam akvo'o ta m'a.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.