Juan 14:24 - Nuevo Testamento Toba Maskoy

²⁴ Koka enenlhet apto la mangheiasekhai'o, meliahakhok na aspaioma. Have aspaioma ehenkek ko'o, Eniapom koka apto lhta heiapaskama apaivoma m'a.

Juan 14:24 Referans Kwoze

Juan 7:16

Koka lhta aptak Jesús apkellatemmongka m'a: —Ka asketlhekmoskama nak have ehenkok ehenke', koka aniem'o m'a apto lhta heiapaskama.

Juan 14:10

¿Apiaskakmek nlho lheiap Eniapom kakpota nhan ko'o nengelelto enlhema? Lhamakho aktakha nak alheianma aniem'o m'a Eniapom, have ehenkok ehenkek alheianma nak, Eniapom ko'o alhelhma, hemama ko'o m'a kakpota allanak lhamakho qaselha.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Juan 5:19

Koka lhta aptak Jesús apkellano m'a apkelemhama apmaniaie judios: —Have niapak anke, apto Apketka mankapvankek elana apmak'akha la elana. Vanlha elanak apvet'o la apkelan'o qaselha Eniapom, lhamakho qaselha apkelanai'a Eniapom, kakpota nhan elanak ma'a Apketka.

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Juan 14:15

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

Juan 5:38

Mang na eleliehekhok apaivoma m'a ngkanek apkeliaskeiakmek ma'a apto apkapaskama.

Juan 8:38

Alhenkek ko'o vanlha mota aktemakha helhekmoskama Apiapom, koka ketlhengkap apketlhengke mota vanlha aktemakha lhta apketlhekmosekamok apiapma'ak apankave —lhta aptak Jesús.

Juan 8:26

Mantek askeltemo niekhe aleltennaksek aktemakha aptaiangkolha ngkollatsekama ketlhengkap, mang koka nkomahai'ak aleltennaksek. Koka lhamakho aktemakha askeleltennaskama nak aniem'o aslengai'a heltennaskama apto lhta heiapaskama, apto have niapak aplheianma m'a —lhta aptak Jesús.

Juan 8:28

Lhta aptak mokhom Jesús: —Hato ka akno ta aklheno neten Enenlhet Apketka nak, eliangvakhok hata ketlhengkap asto ko'o, have askelanai'a ehenkok ehenke', vanlha askelanai'a apkeltemo alana Eniapom.

Juan 7:28

Apleng'a lhtoka Jesús neksa apketlhekmoskama lhta konne Eniapom Neten apnemakha, lhta aptak apiennakteso apaivoma: —Apketlhengke niekhe ketlhengkap apkeliamo se lha ko'o ie, kakpota nhan ko la askeniem'akha m'a, meliehek koka. Have asvai'a ehenko ie', heiapaskama m'a apto apiamolhma, ketlhengkap koka meliekpelkak ma'a.

Juan 3:11

Ennengko'o koka neliave', nelvetai'ak na m'a, ketlhengkap koka hengeliaskakme'.

Juan 14:25

Asketlhekmoske mota neksa asnema mokhom apieseksek anak ketlhengkap,