Juan 14:21 - Nuevo Testamento Toba Maskoy

²¹ Enenlhet apto apmama takha henganemakha ehenkok anak, apkeliehekho nhan, koka hengka apto have niapak ankek heiasekhai'o. Ko'o kakpota nhan Tata angellamelemmok hata enenlhet anak, aiekpelkaskesalhkok hata nhan ehenkek ko'o m'a —lhta aptak apkellano Jesús apkeltamesaikamok.

Juan 14:21 Referans Kwoze

Juan 14:15

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

1 Juan 5:3

Hai, nengasekhai'o Eniapom Neten aniem'o neleliehekhok hengellanemakha nak antangkok ma'a, nkelhievak'ave na ngkotnek apkanemakha apanke nak ma'a

1 Juan 2:5

Koka envanka'ak ennengko'o angelleliehekhok apaivoma nak ma'a aniem'o nelletsavhongvaiakmo akiokho nkek nengasekhai'o nak hengaikamok ma'a Eniapom Neten, ka ngkanek neliavek nengelelto nelpasmekama m'a.

2 Juan 1:6

Enenlhet akietnema apkasekhai'o po'ok, apkeliehekho nhan asongkek apkanemakha Eniapom Neten ma'a. Apkellengai'a lhta ketlhengkap sekhek anke lhta apkanemakha Eniapom Neten ntasek ellasekhok po'ok.

Juan 16:27

Apkellamelakmek Eniapom ketlhengkap ngkanek hellasekhai'o na ketlhengkap, meliaskeiakmok na apto Eniapom Neten heiapaskama lhta.

Lucas 11:28

Koka apkatemmoiangka lhnak Jesús, lhna aptemak: —Koka neten ankek ma'a aktaqmelakho enenlhet apkelelto apkellailhemo Eniapom Neten kakpota nhan apkeleliehekho —lhnak aptemak ma'a.

Juan 15:14

Heleliahakho la ketlhengkap, atneskesangkok hata askeltema emo'ok nengaqte.

Apocalipsis 3:20

Asvenema ko akieto atong, heiailho la lhema enenlhet, emaiaksek na atong, aklhek hata m'a antavokhak hata lhemek ma'a.

Apocalipsis 22:14

Aktaqmelakho nkek enenlhet apkellelto malha apkelieniesekamok la apkelentalhnema. Nkelietavek ankek hata nhan elentalhnengvomok atno'ok anak ma'a apiav'akha temma kakpota etavangkok akielhna iamet akiennaktema enneniek ma'a.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

1 Juan 3:1

Avanhek ankek hengamelaiam Eniapom, ka nkeniemai'ak hengeltemeskeskama nelvesai'a Eniapom Neten apketkak ma'a. Manghengeliekpelkak ma'a apkellelto nak apkellanekamok ngkollatsekama ngkanek meliekpelkak na Eniapom Neten.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

Juan 16:14

Eliangveskeskamhok hata nhan ko'o asto asientalhnemo, eleltennaksek na astakha aspaioma aplengai'a m'a.

Juan 14:18

Molienievhek hata ketlhengkap have malha akto nak apkelieihekama nak, avatamok hato ka mokhom kakpota alhohok lheme ketlhengkap.

2 Timoteo 4:22

Askeltave ko'o Apveske Jesucristo etnek aplhelhma mota lheiap, kanhan Eniapom Neten eltaqmelkeskesek apkellaniemhaikama aplhamakho apketlhelhma'ak lheiap ham.

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

Hechos 22:18

Apveske lhta aptak heiano: "Eniakhetamo ta etiepok na temma Jerusalen anak ngkanek mellailhek hata enenlhet'avok hengke'e aktemakha hengetlhekmoskama aniem'o ko'o alhenammalhka", lhta aptak heiano.

2 Corintios 12:8

Hanetolhema astaiekho lhta askenmalhnongkoma Apveske askeltemo emaskeksek aslengaiangko,