Juan 14:13 - Nuevo Testamento Toba Maskoy

^13-14 Elelmalhnama ta akieplomo asvesai'a nak apkeleltakha la qaselha, allangkok hata ko'o, netamen enenlhet'avok anak eliavenkaskesama ta nhan apvesai'a Eniapom aniem'o aptakha apkelanai'a Apketka.

Juan 14:13 Referans Kwoze

Juan 15:7

Apketlhengkaso la helpasmekama ketlhengkap, apkelleliahakho la nhan aspaioma, elelmalhnama nhan apkenmak'akha la'a, ngkolhek hata allangko m'a.

Marcos 11:24

Have niapak ankek lhamakho qaselha apkelelmalhnengko la akieplomo meliaskeiam, etlhevangkok hata nhan ma'a.

1 Juan 5:14

Nengeliavek ennengko'o hengellailhave mota Eniapom Neten neksa nengelmalhnongkoma qaselha aklekelha la nhan apvalhok hengellangkok ma'a.

Juan 16:23

Hata akvo'o ta aknem anak ma'a, nkomaskok hata helelmalhnengka ko'o, hato ka m'a elelmalhnama Eniapom akieplomo asvesai'a nak, ellangkok hata lhamakho qaselhaha m'a, have niapak ankek ma'a.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Santiago 5:16

Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

Efesios 3:12

Kolhva koka nhan envanka'ak angelteteskamok Eniapom Neten metka altaikama engvalho'ok aniem'o mongeliaskeiam Cristo.

Juan 16:26

Molelmalhneskasangkek hata nhan mokhom ketlhengkap Eniapom, elelmalhnama ta apankavek ketlhengkap ma'a akieplomo asvesai'a nak.

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Efesios 2:18

Kolhva koka judios kakpota nhan metnangko judios nnangkek aknemo mo'ok Espíritu, envanka'ak kolhva antangkok nengaqtek ankek Eniapom nenlhamakho.

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.

Juan 7:37

Ngvakme lhta aktakha nnelha akpaiveskekha' aknem aktaqmelaikama lhma m'a, akto lhta neten ankek akiaspommalhka aknem anak ma'a. Ka apkenmakho lhta neten Jesús apieseksek enenlhet, apiennakteso apaivoma, lhta aptak: —Apiemak'ak hata nke' enenlhet, hei'ota ta, mangheiaskakmo la'a enenlhet angvangko ta apiama kakpota nkotepangkok iemmen apvalhok malha akto nak alvata iemmen aktaqmanma nkek la'a, ka ntak ma'a Vakkahak Eniapom Neten apaivoma —lhta aptak Jesús.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 12:44

Lhta aptak mokhom Jesús apiennakteso apaivoma: —Mang hata nkek heliaskakmok moklhem'a enenlhet, meliaskakmo la nhan Apiapom apto lhta heiapaskama.

Lucas 11:9

Ka stak na askellano ketlhengkap kolhvave nak: Elelmalhnama ta kakpota ngkolhek allangko m'a. Elketam hata nhan kakpota elvetekhak m'a. Elvenama ta akieto atong kakpota ngkolhek aklekkaso atong ma'a.

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

Juan 5:19

Koka lhta aptak Jesús apkellano m'a apkelemhama apmaniaie judios: —Have niapak anke, apto Apketka mankapvankek elana apmak'akha la elana. Vanlha elanak apvet'o la apkelan'o qaselha Eniapom, lhamakho qaselha apkelanai'a Eniapom, kakpota nhan elanak ma'a Apketka.

Hebreos 13:15

Eliavenkaso ta mota apvesai'a Eniapom Neten aniem'o nhan Jesucristo, malha ntak ma'a akmatnama nak nentoskama nengaikamok la m'a kakpota nkolekkasama apvalhok ma'a. ¡Hai, eliavenkaso ta mota nhan Eniapom Neten akieplomo apkelpaqmetekama!

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.

Efesios 3:14

Ka nkeniemai'ak ma'a askelteklheklhemo ko'o etapno'ok nalhepop napaqtek Eniapom,

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Juan 16:7

Ntasek hato ka ngkotnek apkellangiemhaikama ketlhengkap netamen ko'o astaqhakhok hata, ngkanek evak hata apto Hengiatekho niapom, koka moniakho la m'a, mongvapaksek na m'a.

1 Corintios 14:13

Enenlhet apkapvanko la eliatama apaivoma melioho mokhom, ntasek koka m'a enmalhnama Eniapom Neten kakpota eniapvanak na elpeiveskasokha apankek enenlhet'avok ma'a.